ZAKKAARIYAASI 10:5 - Qullaawa Maxaafa

⁵ Yihudu manni diinnasi kade doogote sabbi ledo karsiisannoha wolqaataamo bagadaancho ikkanno; Kaaliiqi ledonsa noohura, jawaate olame faradaasine nafa gattukkinni qeele saalfachishanno.

ZAKKAARIYAASI 10:5 ပူးပေါင်းရင်းမြစ်များ

LAYINKI SAAMUEELI 22:43

Bukote gede asse maniisseemmonsa; doogote sabbi gede asse lilleemmonsa.

LAYINKI SAAMUEELI 22:8

Maganu hanqeenna baatto huxidhe shafantu; gordu safono milli yitu.

LAYINKI MOOTOOLLA 9:33

Iyuno, «Elzaabeeli woro qoltine tugge!» yii. Insano uulla qolte tuggeenna, mundeese kaatte huxxunna faradu aana ubbu. Isino faradonna faradi gaare reeshshise aanaanni gani.

FAARSO 18:42

Bubbe kayissanno buko gede maniisseemmonsa; gudumaalu sabbi gede kakkadeemmonsa.

FAARSO 20:7

Mitu mitu olu faradi gaarensa, wolootu faradonsa addaxxitanno; ninke kayinni Maganinke Kaaliiqi wolqa addaxxineemmo.

FAARSO 33:16

Moote olantote batinyinni diinasi diqeelanno; wolqaataamuno wolqasi batinyinni qeelle diafi'ranno.

FAARSO 44:5

Ate wolqanni diinanke qeelleemmo; su'mikkinni aananke ka'inore kandeemmo.

FAARSO 45:3

Ati bareedu! Xirchikkinninna gaacheenikkinni, bagadokki amaxxi.

ISAYAASI 10:6

Ane hanqissinoonnirira maganiweelootaho, jajja'ne saante gudde ki'ne doogote sabbi gede assite ceellagganno'nere Asooroota soyemmo'ne» yaanno.

ISAYAASI 25:10

Kaaliiqi anga Tsiyooni Ilaala agartanno; Moaabi gosa kayinni sabbu giddo cide gede assine kakkandanni.

ISAYAASI 31:1

Lowo farado, faradi gaarenna gaaddo afidhinota Gibitse hexxite, kaa'lote hakkiichira hadhannorira aanne'e! Israeelete Qullaawa ikkinoha hexxa agurtino; isi kaa'lono dihasidhino.

ISAYAASI 41:12

Diinakki hasse nafa diafatto; ate aana ola kayissinori baalu, co'o yite gooffanno.

ISAYAASI 41:25

«Ani Kaaliiqi aliyyeenni mitto roorricha woroommo; isino su'ma'ya ayirrisate soojjaatinni daanno; isi mootoolla sabbu gede kadanno; dora ganannohu gede asse cancananno.

ISAYAASI 8:9

Ki'ne daga, mimmito'ne olaho lassidhe! Ki'ne xeertote gosa macciishshe! Olaho qixxaabbe! Qeelama'ne kayinni digattannote. Olaho qixxaabbe! Qeelama'ne kayinni digattannote.

HIZIQEELI 38:15

aliyye ragaanni faffe hee'ratto darginni, faradaasine ikkite dagate mereerinni doorantinota jawa olanto hoode adhite gaadattonsa.

AMOOTSI 2:15

Maxxa oltannorino gargadha didandiitanno. Rakke doddannori xooqqe difultanno. Faradaasineno lubbo gatisi'ra didandiitanno.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

MIKIYAASI 7:10

Diini'ya konne duucha lae saalfatanno. «Kaaliiqi Maganikki hiikko no?» Yaanni qacifatannehu diini'ya sholle doogote qaccera noo sabbi gede kakkadamanna ille'ya la'anno.

HAGE 2:22

Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

ZAKKAARIYAASI 12:4

Hatte yannara, faraddansa dammasseemmo; faradaasinensano macharaarseemmo; diinnansa faradono balliseemmo; Yihudu manna kayinni seekke agareemmo.

ZAKKAARIYAASI 12:8

Hatte yannara, Kaaliiqi Yerusaalamete heedhannorira go'linanni wonqo ikkannonsa; insa giddonni lowo geeshsha wolqiweeloho yinoonnihu nafa Daawiti gedee jawaata ikkanno. Daawiti sirchi Maganu gede woy Kaaliiqi sokkaasinchi gede ikke albisannonsa.

ZAKKAARIYAASI 14:13

Hatte yannara, Kaaliiqi masillenna waajja soyenna, mimmitonsa shite guddanno.

ZAKKAARIYAASI 14:3

Hakkunni gedensaanni, Kaaliiqi sa'u yannara assinte gede, hattenne daga qasara ka"anno.

ZAKKAARIYAASI 9:13

Yihuda digaanu gede, Israeeleno worbichu gede asse horoonsi'reemmo. Giriikete bagadaano qasammora, Tsiyooni bagadaano bisete gede asse soyemmo.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

MAATEWOOSI 4:3

Hatte yannara jifannohu Yesuusiwa daye, «Hanni ati Maganu Beettootiro, tini kinna timma ikkitanno gede hajaji!» yiisi.

LUQAASI 24:19

Yesuusino, «Mayi ma ikkino?» yiinsa. Insano, «Naaziretete Yesuusi aana ikkino coyetiwe! Isi Maganunna mannu baalu albaanni qaalunninna loosunni jawaata himanaanchooti.

SOQQAMAASINETE LOOSO 18:24

Mittu Alekisaanderiyaho ilaminohu Aphiloosi yinanni Ayihudichi Efesooni dayi. Isi qullaawa borro xunse afinoho; qoleno seekke coyi'ra egennino manchooti.

SOQQAMAASINETE LOOSO 7:22

Isi Gibitsete gobba egenno baala rose, coyinninna loosunni jawaata ikkino.

LAYINKI QORONTOOSI 10:4

Olunnihu bagadinke tenne gobbahu gedeeha di"ikkino. Qiisho diigate kayinni Maganu wolqa ledo nooho.

MARRO 20:1

«Diinna'ne qassinara olaho fultinanni yannara, faradi gaarensanna faradinsa ki'nerinni roore leelli'nero nafa waajjitinoonte. Gibitsetenni fushshino'nehu Magani'ne Kaaliiqi ki'ne ledo no.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.

LAYINKI XIMOOTEWOOSI 4:7

Ola danchu garinni olamoommo; qolchansho'yara goofimarchu geeshsha dodoommo; ammana'yano agadhoommo.

IYYAASU 10:14

Kaaliiqi Israeelete qote uurre gaaraminonsahura, Kaaliiqi mannaho hajajaminoha hattoo barra hakkuyira albaannino, hakkuyi kawano anfe diegenninoonni.

IYYAASU 10:42

Israeelete Magani Kaaliiqi Israeelete gaaramino daafira, Iyyaasu tenne mootoollanna gashshootensa baalanka mitte hige gaadino gaadinni qeele gudise amadi.

YOHAANNIS AJUUJA 19:17

Hakkunni gedensaanni arrishshote aana uurrinoha mitto sokkaasincho afummo. Isino iima buubbanno ceara, «Rooru Magani jiliwa amme, gamba yiiyye!

UMI SAAMUEELI 16:18

Soqqamaanosi giddonni mittichu, «Bagana seekke ganannoha Beetelihemete manchi Isseyi beetto afoommo; isino bareedahonna bagadaanchoho; biifadohonna coye egenninoho; Kaaliiqino ledo noosiho» yee dawari.