ZAKKAARIYAASI 10:4 - Qullaawa Maxaafa

⁴ Insa giddonni fulannohu mitu, dhaawate kinchi gedeeha, mitu minu mokkollichi gedeehanna mitu qole olu bagadi gedeeha ikkanno.

ZAKKAARIYAASI 10:4 ပူးပေါင်းရင်းမြစ်များ

KALAQAMA 49:24

Kayinnilla, jawaatu Yaiqoobi Magani wolqanni, allaalaanchu Israeelete agaraanchinni, digaanikki kaajjado ikkanno; wolqakkino jawaattanno.

IZIRA 9:8

«Xa kayinni, Kaaliiqa Maganonke borojjimmatenni fushshite, Qullaawa Basera keerunni hee'neemmo gede, shiima yanna gaacheena oottonke; borojjimmatenni fushshite haaro heeshsho oottonke.

FAARSO 118:22

Mine mintannori mishshe agurtino kinchi, wo'munkura umo ikkino.

ISAYAASI 19:13

Tsoaani gashshaano gowwitino; Memfiisi albisooti dogantino; roorrootinsa mannansa so'risiissino.

ISAYAASI 28:16

Kunnira Mootichu Kaaliiqi, «Kaajjado safote kincho Tsiyooni woreemmo. Isino ayirradohonna ammanaminoho; iso hexxannohu disaalfatanno.

ISAYAASI 49:2

Arrawo'ya bisete gede gamaxaminoha assino; angasi caalira woroonni maaxinoe; qunxoonni maxxi gede kou giddo worinoe.

ISAYAASI 54:16

«Buufe bagado tumannoha kalaqoommohu aneeti; bagado amaxxanno bagadaancho kalaqoommohuno aneeti.

ERMIYAASI 1:18

Ermiyaasi, yeemmohere macciishshie! Tenne baattora heedhannori, Yihudu mootoolla, gashshaano, qeesootinsanna manninsa ate aana ola kayissanno. Ikkollana diqeeltannohe; insa qeelatto gede wolqa'ya qiinshoonni katami gede jawaata assitannohe. Siwiilu tuuqi gedenna camote huxxi gede asseemmohe. Ani atera gaarameemmohe daafira insa qeeltahera didandiitanno. Konne coye coyi'roommohu ani Kaaliiqaati» yii.

ERMIYAASI 51:20

Kaaliiqi, «Baabilooni, ati anera, meencho'yaatinna bagado'yaati; atenni daga gudoommo.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

ZAKKAARIYAASI 9:8

Gobba'ya agareemmo; olanto aanaseenni higge disa'anno; manni'ya mageeshshi geeshsha qarraminoro ani afoommona, kunni ka'a miiccannori manna'ya digadadissanno» yaanno.

KIIRO 24:17

«Xaare ikkikkinni albillittennire laeemmo; mulire ikkikkinni xeertonnire illachisheemmo. Israeelete gosa laeemmo; hattenne gosa giddonni, moote bakkalchu gede ikke fulanno. Moaabi roorroota gananno; Seeti sircho baala cancananno.

MAATEWOOSI 9:38

Gide gamba assate, lowo loosaasine soyanno gede loosu Mooticha huuccidhe!» yiinsa.

LUQAASI 20:17

Yesuusi insa widira hige lae, « ‹Mine mintannori mishshe agurtino kinchi, mineho dhaawa ikkino› yine borreessinoonnihu mayira lawanno'ne?

EFESOONI SOKKA 2:20

Soqqamaasinetenna himanaanote safo aana xintantinoonni. Qaru dhaawate kinchi Kiristoosa Yesuusaati.

LAYINKI XIMOOTEWOOSI 2:4

Olaho fulanno manchi, hajajaanchosi hagiirsiisara qixxaawa hasiissannosi ikkinnina wole haja giddora dieanno.

UMI PHEEXIROOSI 2:6

Qullaawa Borro giddo, «Kune dooraminohanna ayirrado dhaawate kincho Tsiyooni woreemmo. Iso ammaninohu disaalfatanno» yine borreessinoonni.

YOHAANNIS AJUUJA 17:14

Insa Ge'rechu ledo olantanno; Ge'rechu mootoollete Mootichanna mootoollate Moote ikkino daafira, woshshantinori, doorantinorinna ammanantinori ledo insa qeelanno» yiie.

UMI SAAMUEELI 14:38

Saaoolino, «Hanni techo mannu cubbo loosinoro hanseemmona albisootu baalu kawa shiqqi yiiyye.