ZAKKAARIYAASI 10:2 - Qullaawa Maxaafa

² Mannu magannansanna kiilaanonsa xa'mi'ranno; afidhanno dawaro kayinni kaphohonna haafaho. Mitu mitu kaphu haaqee tirtanno; ikkollana kayinni so'risiisannonsa; mulla haafa sheshifachishshannonsa; kunnira mannu baino ge'reewi gede ikke raataawanno; allaalaanchu hooginonsahura qarramanno.

ZAKKAARIYAASI 10:2 ပူးပေါင်းရင်းမြစ်များ

KALAQAMA 31:19

Laaba ge'reewu orda haxi'rara ha're hee'reenna Raaheeli angatenni bonce seekkinoonnita annise maganna moorte adhitu.

UMI MOOTOOLLA 22:17

Mikaya daware, «Israeelete olanto baala allaalaanchu nookki ge'reewi gede ikkite ilaallate aana billaallitanna afoommo. Kaaliiqino, ‹Kuni manni gashshannoha diafi'rino. Kunnira rahe keerunni qae higo› yiino» yiisi.

IYYOOBI 13:4

Ki'ne kayinni, egenno bunshetenni dibbinannireeti; ki'ne baalunku ba'raassinoonnikki xagisaanooti.

IYYOOBI 21:34

«Hatto ikkina, haafu coyinni sheshifachishshinaera, mayira wo'naaltinanniyya? Yitinoonniri baalu kaphohona agurre» yii.

ISAYAASI 41:29

Kune ki'ne baalunku haafaho; mittoreno assitine diaffinannireeti; ki'ne misilla mulla diilallooti» yii.

ISAYAASI 44:25

Kaphu himanaano kultannorenna, kiilaanote kiilono mullare asseemmo. Hayyoolete hayyono diigeemmo; egennonsano gowwimmate soorreemmo.

ISAYAASI 44:9

Kaphu maganna bocce seekkitannori haafaho; daafurte seekkidhannoti misillansano mullareeti. Insa magansidhannorino ballootanna egenno afidhinokkire ikkitino daafira shollinyu amadannonsa.

ISAYAASI 46:5

«Ane aye ledo taashshitinannie? Aye ledo mitto assitine kiirtinannie?

ERMIYAASI 10:8

Baalunku gowwootahonna hawanyootaho; haqqa bonce seekkinoonni maganna mittoreno dirosiissanno.

ERMIYAASI 14:13

Anino qole, «Mooticha'ya Kaaliiqa! Himanaano mannaho, ‹Oluno hudeno diheedhanno› yite kultanno. ‹Halaalinta ani gobba'nera hegere keere eemmo'ne› yiino yitanno» yoommo.

ERMIYAASI 14:22

Dagate maganna mittuno xeena dirrisse diaffanno; gorduno umisinni shora dishoranno. Kaaliiqa Maganonke, konne baala assa dandaattohu ate ikkootto daafira, ninke ate hexxineemmo.

ERMIYAASI 23:17

Ani yoommore macciishshitannokkirira, ‹Keerella heedhinanni!› yitanno. Ani yoommo gede ikkitannokkirirano, ‹Qarru diamadanno'ne!› yite kultanno.

ERMIYAASI 23:32

Halaalinta ani kaphu haaqee kultanno himanaano aana noommo; tenne haaqee kulte beebba naaxxitanni manna'ya halaaluwiinni wirri assitanno. Ani disoommonsa; hadhe"eno diyoommonsa. Mannahono kaa'litinori dino. Konne coye coyi'roommohu ani Kaaliiqaati» yii.

ERMIYAASI 27:10

Insa kultanno'ne himani kaphoho. Insa yitannore macciishshitiniro, ani shorre huneenna'ne ba'inanni.

ERMIYAASI 27:14

Kapho coyidhanni noona, ‹Baabilooni moote angara higginoonte› yitanno himanaanore macciishshitinoonte.

ERMIYAASI 27:9

Kunnira, Baabilooni mootera anga uyitinannikki gede hooltanno'neriha himanaano'ne, kiilaano'ne, haaqii'raano'ne masaalaano'nenna bitaammi'ne coye macciishshitinoonte.

ERMIYAASI 28:15

Anino Hanaaniyara, «Hanaaniya, macciishshi! Ate Kaaliiqi disoyinohe. Konne manna kapho adda assi'ranno gede assitanni nootto.

ERMIYAASI 29:8

Ani Israeelete Magani Olantote Mootichi Kaaliiqi yeemmo'neti tenneeti: Xa'midhinanniti giddo'ne noo himanaanonna masaalaano doggoonke'ne; ki'neno haaqeensa macciishshitinoonte.

ERMIYAASI 37:19

‹Baabilooni moote ateranna gobbakkira bala dituganno› yite himantu himanaano hanni xa hiikko no?

ERMIYAASI 50:17

Kaaliiqi, «Israeelete manni doobbiyu shorre billaallisino ge'reewi gede ikkino; balaxe Asoori moote gawajjinonsa. Hakkunni gedensaanni, Baabilooni moote miqichonsa quruuxino.

ERMIYAASI 51:23

Allaalaasinenna hoshsha, hawuudhannohanna hawuurranni handa, mootoollanna gashshaano atenni hiiqqaqqoommo» yaanno.

ERMIYAASI 6:14

Manni'ya mada mullare assite kiirtanno; xagichono digantanno. Keeru nookkiha, ‹Keereholla! Keereholla!› yitanno.

ERMIYAASI 8:11

Manni'ya mada mullare assite kiirtanno; xagichono digantanno; keeru nookkiha, ‹Keereholla! Keereholla!› yitanno.

ERMIYAASI QURTO 2:14

Himanaanokki kaphonna mullicho ajuuja kultanno; qarrunni gatatta gede, cubbokki xawo difushshitino. Kultinohe sokka kaphohonna so'ronnite.

HIZIQEELI 21:21

Baabilooni moote doogga xaaddannowa malaateho kaansoonni hossuwa mule uurranno; hiittenne doogo hige ha'ra hasiissannosiro afate hixa ga'nanno. Kaphu magannasino mala xa'mi'ranno; kakkalote gorrinoonni saada hellee la"anno.

HIZIQEELI 21:29

« ‹La'inanni ajuuja dharaho; kultinanni himanino kaphoho. Ki'ne, bunshenna batte wo'mitino'nereeti; goofimarchu qoricha adhitinanni barri iillino; bise haxo'nera suuntanni no.

HIZIQEELI 34:5

Ge'reewuno allaalaanchu noonsakki daafira billaallino; moyichuno bibbide itinonsa.

HIZIQEELI 34:8

Ani heeshshote Magano ikka'yanni xaareemmona, allaalaasine'ya saada'ya hasa agurte insanaa towaxxitino daafira, ge'reewi'ya allaalannoha hooge, itannohura qiniino.

HOOSEI 3:4

Kunni garinni Israeelete manni moote nookkiha woy albisu nookkiha, kakkalo nookkiha woy sooddiyye nookkiha, qeesimmate uddano nookkiha woy Maganu yaannore kulannori nookkiha lowo diro hee'ranno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

IMBAAQOOMI 2:18

Hanni misile makaa'litanno? Misile mannu anganni bonce seekkinoonnite. Misiletewiinni kapho agurranna mittoreno diafi'nanni. Boce seekkino manchira mittoreno coyi'ra dandiitannokki misile amma'na makaa'litannosi?

ZAKKAARIYAASI 11:17

«Ge'reewo towatannokkihura tidhinokki allaalaanchira aanne'e! Bise cigilesinna qiniiticho illesi qasso! Cigilesi co'o yite laanshaabbo! Qiniiticho illesino co'o yite ballito!» yiie.

KIIRO 27:17

Worattonsahuno, ate Kaaliiqi manni allaalaanchu nookki ge'reewi gedeeha ikkannokki gede gaadaanna ikkannonsa» yii.

MAATEWOOSI 9:36

Allaalaanchu nookki ge'reewi gede ikke qarramenna gara hawe noo manna afe marari.

MAARQOOSI 6:34

Yesuusi yowolote aaninni dirri woyite, lowo manni allaalaanchu nookki ge'reewi gede ikkinota lae marare, lowo coye rosiisinsa.

MARRO 13:2

coyi'rinohu malaatu woy dhagge wo'mituro nafa, ‹Ki'ne affinoonnikki maganna magansi'no› yaanno'neha ikkiro,

EJJEETTO 18:14

Layishi baatto dooyyituri 5 manni roduuwinsara, «Tenne minna giddo mittoho birra aanaho xallinoonni misile, wole misillanna qeesimmanniti gagasu uddano noota affinoonnini? Ma"assa hasiissannoro malle» yitunsa.