ZAKKAARIYAASI 10:10 - Qullaawa Maxaafa

¹⁰ Gibitsete gobbanni qoleemmonsa; Asoorinni gamba asseemmonsa. Gobbansara mannu bati'ranno daafira, Geleaadinna Libaanoosi gobbara heedhanno gede asseemmonsa.

ZAKKAARIYAASI 10:10 ပူးပေါင်းရင်းမြစ်များ

ISAYAASI 60:22

Insa giddonni ajjino ilama kume, wo'munkura maa'ne ikkitinori, wolqaataame gosa ikkitanno; ani Kaaliiqi kuni coyi yannasinni rahe wo'manno gede asseemmo» yii.

ERMIYAASI 22:6

Kaaliiqi Yihudu mini daafira coyi'ranni, «Yihudunnihu mootete mini, Geleaadi woy Libaanoosi birxe gedee ayirradooti. Ani tuge agureemmosi woyite kayinni, mullicho ona katama ikkanno.

ERMIYAASI 50:19

Israeelete manna qanchinsa giddora qoleemmo; Qermeloosi Ilaaliranna Baasaani gobbara fulinore baala itanno; Efireeminna Geleaadi gobbara fulanno gide hasi'ri geeshsha itanno.

HOOSEI 11:10

«Ani doobbiichimma ittaneemmo yannara, manni'ya Israeele hoode'ya hadhanno; galchiminni huxidhanni anewa dagganno.

HOOSEI 11:11

Ceate gede Gibitsetenni, lembooli gede Asoorinni buubbanni dagganno. Galagalche mininsara qoleemmonsa. Konne coye coyi'reemmohu ani Maganinsa Kaaliiqaati» yii.

ABIDIYU 1:20

Qafadame hee'rannohu aliyye Israeele manni hige, Kana"aani baattora aliyyeenni noo katami Seraphitahu geeshsha noo gobba ragi'ranno. Sefaradiimi heedhannori, Yerusaalametenni qafadantinori, wodiidoonni noota Yihudu katamma adhitanno.

MIKIYAASI 7:14

Kaaliiqa'ya ballo, ati dooroottota gosakki, Qermeloosi dubbi giddo calluwinsa ofoltinore mannakki, iqqikki ge'reewo siqqichokkinni allaali. Albi diri gede Baasaaninni Geleaadi geeshsha allaali.

ZAKKAARIYAASI 8:7

Ani manna'ya qafadame hee'ranno gobbanni soojjaatinninna galchiminni qole abbeemmo.

ZAKKAARIYAASI 8:8

Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.