ZAKKAARIYAASI 1:4 - Qullaawa Maxaafa

⁴ Akaakka'ne ha'ruma hadhinoonte; insa albi himanaano, busha doogonsanninna bushu loosinsanni higganno gede qorophisiissinonsa; insa kayinni, qaale'ya dimacciishshitino; hajajo'yano diwonshitino.

ZAKKAARIYAASI 1:4 ပူးပေါင်းရင်းမြစ်များ

LAYINKI DUDUWO 30:6

Mootenna ledosi gashshaano sokkino sokka haa'rino manni Israeelenna Yihudu gobba baala ha'ri. Sokkano, «Israeelete manna! Asoori moote qafadowiinni gattinoonniri, Abirihaami, Yisihaaqinna Yaiqoobi Magani Kaaliiqiwa higginiro, isino ki'newa higanno.

LAYINKI DUDUWO 30:7

Affininte gede Maganinsara Kaaliiqira ammanama gibbeenna bararraanqanni coye assinonsari annuwa'nenna roduuwi'ne gede ikkitinoonte.

LAYINKI DUDUWO 34:21

«Martine ane daafira, Israeeletenna Yihudaho gatino manni daafira Kaaliiqa xa'me. Kunni maxaafi giddo noo coyeno seekkitine buuxxe. Akaakkanke Kaaliiqira hajajama gibbino daafiranna kunni maxaafi giddo kulloonni coyeno wonsha hoogginohura Kaaliiqi hanqinonke» yiinsa.

IZIRA 9:7

Akaakkanke yannanni kayisse xaa geeshsha saonke batidhino. Cubbinkenni kainohunni, techonte gede ninke, mootoollankenna qeesootinke allagga mootoolla anga umbe bagadoho, qafadote, saamamatenna shollinyeho sa'ne aamammoommo.

NEHIMIYA 9:16

Akaakkanke kayinni boonaleeyyenna hettisamaano ikkitino; hajajokkino ayirrisa gibbino.

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

NEHIMIYA 9:30

Lowo diro cincatenni qorophisiisoottonsa; Ayyaanikkinni himanaanokki widoonni qolte qorophisiisoottonsa; mannikki kayinni macca duwe giwino daafira, ollaansa ikkitino dagara sayisse oottonsa.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

ISAYAASI 31:6

Kaaliiqi, «Ki'ne Israeelete manni, bunshe'nenni badhe wodhitinoonniehuwa, anewa galagaltine higge!

ERMIYAASI 18:11

«Kuneeti xa, qorichishammonsara busha coye abbanni noommota Yihudahonna Yerusaalamete hee'ranno mannira kulinsa. Cubbo agurtanno gede, hadhanni noo doogonninna loossanni noo bunshewiinni higganno gede coyi'rinsa.

ERMIYAASI 23:22

Gordoho ane ledo songo ofoltinoha ikkoommero, ki'ne Yihudu manni cubbo'ne aagintaabbinanni gedenna, anewa higginanni gede kultanno'ne.

ERMIYAASI 25:8

«Yiinota macciishsha gibbinoonni daafira, Olantote Mootichi,

ERMIYAASI 26:5

soqqamaano'ya himanaano kultino'ne coye macciishsha gibbiniro nafa, ani kayinni insa marro marro hige soommo'ne.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

ERMIYAASI 3:14

Ki'ne hexxinannikki manni, ani Mooticha'neetina ane Kaaliiqiwa higge! Ani ki'ne mereerinni, mittu mittu katami giddonni, mitte mittente maate giddonni lame lame doodhe, Tsiyooni Ilaaliwa haa're masseemmo.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 4:1

Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

ERMIYAASI 44:16

«Kaaliiqi su'minni kuloottonke coye baala dimacciishshineemmo.

HIZIQEELI 14:6

«Kunnira, ani Mootichu Kaaliiqi Israeelete yeemmore kulinsa: Tiyyi'nanni maganna kaphunnitewiinni agurtine anewa higge.

HIZIQEELI 20:18

Hatteentenni oosonsa, ‹Akaakka'ne kalaqqino seera adhitinoonte; wogansano agadhitinoonte. Woy kaphu magannanni umo'ne batteessitinoonte.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HIZIQEELI 33:4

Ayino konne qorophishiishsha macciishshe lashshi asse agureenna diinu bala tuge shiisiro so'ro umisite.

DAANIEELI 9:6

Mootoollankera, gashshaanonkera, akaakkankeranna gobbate aana noo manni baalaho su'mikkinni coyidhinori soqqamaanokki himanaano yitinore dimacciishshinoommo.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

AMOOTSI 5:24

Hatteentenni halaalaancho yoo, buichote wayi gede, keeraanchimmano xoannokki xashshi gede lolakko.

MIKIYAASI 2:6

Israeelete mannino, «Ninke aana himana coyidhooti; kuni coyi wo'munku iillannonsa yitanni dudubbooti; togoo shollinyi horonta diamadannonke.

ZAKKAARIYAASI 1:3

xa kayinni ki'nera yeemmo'neti: Ani ki'newa higeemmona, ki'neno anewa higge.

ZAKKAARIYAASI 7:7

Yerusaalame duroo'mitenna manna wonshidhe noo yannara, katamu gaangaawira noo qachira calla ikkikkinni, Wodiidi ragiranna Galchimi gaarra lekkaalloonni lowo manni hee'ranno yannara, Kaaliiqi albi himanaano widoonni coyi'rino qaali konneeti.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

UMI PHEEXIROOSI 1:18

Annuwa'newiinni ragidhinoonnita haafu heeshsho heedhinanniwiinni wondoonni'nehu ba"anno birrinni woy ba"anno culkinni di"ikkino.