ZAKKAARIYAASI 1:3 - Qullaawa Maxaafa

³ xa kayinni ki'nera yeemmo'neti: Ani ki'newa higeemmona, ki'neno anewa higge.

ZAKKAARIYAASI 1:3 ပူးပေါင်းရင်းမြစ်များ

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

LAYINKI DUDUWO 15:4

Qarru amadinsa yannara kayinni, Israeelete Magani Kaaliiqiwa alba higino; hasi'reno afi'rinosi.

NEHIMIYA 9:28

«Ikkollana, keere afidhanni heedhenni, galagalte cubbo loossino; atino galagalchite qeelte gashshitannonsa diinnara sayisse oottonsa. Qarrinsa yannara kaa'lo afi'rate atewa higge raartino; atino gordoho heedhe macciishshoottonsa; maarokki jawimmanni kainohunni yanna yannantenni gatisoottonsa.

IYYOOBI 22:23

Wo'manka Dandaanno Maganiwa higittoro dhaawamatto; cubbo minikkinni hoo'littoro,

ISAYAASI 31:6

Kaaliiqi, «Ki'ne Israeelete manni, bunshe'nenni badhe wodhitinoonniehuwa, anewa galagaltine higge!

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ERMIYAASI 12:15

Tenne gosa buqqisummohu gedensaanni, galagale marareemmonsa; mitto mittonka iqqisiwanna gobbasiwa qoleemmo.

ERMIYAASI 25:5

Himanaanono, ‹Kaaliiqi ki'neranna akaakka'nera geedote uyino'ne baattora heedhinanni gede, bunshetewiinni agurtine higge.

ERMIYAASI 3:1

Kaaliiqi, «Mittu manchi galtesi ha'riseenna, iseno hadhe woleho assidhuhu gedensaanni galagale galtesi assi'rara dandaannoni? Hatto assiro baatto batteessanno. Ati Israeele kayinni lowo ella ledo foorootta; xa kayinni galagalte ane Kaaliiqiwa higa hasi'rattani?

ERMIYAASI 3:22

Ki'ne ammanama noo'nekkiri baalu anewa higge! Ani hakkiinni gatise ammanantinoonnire asseemmo'ne» yii. Ki'neno, «Maahoyye, ati Kaaliiqi Maganonkeetina, atewa hingeemmo.

ERMIYAASI 35:15

Qoleno, ki'ne mittu mittunku busha doogo'nenni higgine dancha coye assitinanni gede, soqqamaano'ya himanaano marro marro hige soommo. Insano wole maganna hoode hadhine magansidhinannikki gede qorophisiissino'ne. Ki'neranna annuwa'nera oommo baattora heedhinanni gede kultino'ne. Ki'ne kayinni yoommo coye macciishshatenna haja assate dihasidhinoonni.

ERMIYAASI 4:1

Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

HIZIQEELI 18:19

« ‹Hatto ikkina, beettu annu cubbira qorichishamannokkihu mayiraati?› yitinanniha ikkanno; beettu taalonna dancha coye assino. Hajajo'ya baala seekke agadhino daafira, isi addinta lubbotenni hee'ranno.

HIZIQEELI 18:31

Busha looso'ne baala agurtine, haaro surrenna haaro wodana kalaqidhe; ki'ne Israeele reyo mayira hasidhinanni?

HIZIQEELI 18:32

Ani ayino reyara dihasi'reemmona, baalunku cubbi'nenni higgine lubbotenni heedhe; togo yeemmo ani Mootichu Kaaliiqi» yii.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

HOOSEI 14:1

Israeelete manna! Magani'ne Kaaliiqiwa higge; sarraaqe tugino'nehu umi'ne cubbo ikkinota affe.

HOOSEI 14:4

Kaaliiqi, «Manni'yata ammana hoogansa hurse, anewa qoleemmonsa. Wo'mu wodaninni baxeemmonsa; hanqo'yano insawiinni fafiseemmo.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

MILKIYAASI 3:7

Akaakka'ne warinni kayissine seeri'yawiinni xeertidhinoonni; diagadhitinoonni. Anewa higge; anino ki'newa higeemmona. Ki'ne kayinni, ‹Atewa hiitto ikkine hingeemmo?› yitinanni.