ZAKKAARIYAASI 1:13 - Qullaawa Maxaafa

¹³ Kaaliiqino ane ledo hasaawanni noo sokkaasinchira, hagiirsiisannonna jawaachishanno qaalinni coyi'risi.

ZAKKAARIYAASI 1:13 ပူးပေါင်းရင်းမြစ်များ

ISAYAASI 57:18

«Ani loosonsa baala afoommo; ikkirono hurseemmonsa; massageemmonsa; galattannoe gede dadillitannori wodanano diggi asseemmo. Mulenna xeertote noorira keere eemmo; manna'yano hurseemmo.

ERMIYAASI 29:10

Kaaliiqi, «Baabilooni heedhinannihu 70 diri goofanno waro, alba higeemmo'ne. Oommo'ne hexxo garinnino galagalche qae'ne qoleemmo'ne.

DAANIEELI 12:6

Insa giddonni mittu xashshoho aleenni hige uurre noo sokkaasincho, «Kuni maalalete coyi baalu wo'ma geeshsha mageeshshi yanna adhanno?» yee xa'mi.

ZAKKAARIYAASI 1:9

Anino, «Mooticha'ya, kuni faradinna faradaasine mayinnite?» yee xa'mummo. Isino, «Mayinnitero leellisheemmohena agari;

ZAKKAARIYAASI 4:1

Ledo'ya hasaawanni noo sokkaasinchi galagale daye, goxino mancho kayinsannihu gede asse shafe,

ZAKKAARIYAASI 8:19

«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.