YOONAASI 2:9 - Qullaawa Maxaafa

⁹ Ani kayinni galatu faarsonni, atera kakkalo shiqishi'reemmohe; xa'noommo xanono uyi'reemmohe. Gato ate Kaaliiqiwiinniiti» yee huucci'ri.

YOONAASI 2:9 ပူးပေါင်းရင်းမြစ်များ

KALAQAMA 35:3

Qarri'ya yannara macciishshinoehura, ha'rummo doogorano ledo'ya ha'rihura Maganoho kakkalote darga seekkeemmona, ka'e Beeteli ha'nona» yiinsa.

LAYINKI SAAMUEELI 15:7

Shoolu diri gedensaanni Abeseloomi mootete, «Kebirooni mare Kaaliiqira xa'noommo xano uyi'reemmona ballo fajjie.

IYYOOBI 22:27

Huucci'ratto woyite, isino macciishshannohe; atino xa'noottore uyi'ratto.

FAARSO 107:22

Kakkalo shiqishshanni galattosi; assinorirano ililleettetenni faarsitosina.

FAARSO 27:1

Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?

FAARSO 3:8

Gato Kaaliiqiwiinni dagganno; Kaaliiqa, mannakki maassi'ri.

FAARSO 50:14

Maganoho galatu kakkalo kakkalle; Wo'munkura Aliidihura xano'ne uyidhe.

FAARSO 50:23

Ayirrisannoehu galata kakkalannoe; hajajamannoehurano ani gatisaanchimma'ya leellisheemmosi» yaanno.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

FAARSO 95:2

Galatunni albisira shinqo; ilillinsanni hagiirru faarso faarsino.

ISAYAASI 45:17

Ki'ne Israeele kayinni hegere gatisaanchimma Kaaliiqi aanno'netenni gattinanni; hegerera saalunna shollinyu diamadanno'ne.

ERMIYAASI 33:11

ani Kaaliiqi tenne baatto albi gede jironnita asseenna mannu Mini'yara galatu fushshaate haa're abbanni, hagiirrunninna qeexaalunni, adhatenna adhamate hagiirrira faarsinanni garinni, ‹Isi shaqqadoho; bagamannokkihu baxillisi hegerehona, Olantote Mooticha Kaaliiqa galatte› yaanni naggi yitino qoonqonni faarsanno» yii.

HOOSEI 14:2

Maganunniwa higgine, «Cubbonke baalanka agurinonke; dancha heeshshonkenni hagiidhi. E'noommo gondoori garinni suumenke laalcho galatanke shiqishi'neemmohe.

YOHAANNISI 4:22

Ki'ne affinoonnikki magano magansidhinanni; ninke kayinni gato Yihudunni fultanno daafira, anfoommo Magano magansi'neemmo.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

ROOMU SOKKA 12:1

Xa roduuwa'ya, mannimma'ne lubbotenni noo kakkalo gede, Magano hagiirsiissannotanna qullaawa assitine shiqishshinara huucci'reemmo'ne. Hatto assa hasiissanno'nehu, Maganu maaro uyino'ne daafiraati. Magano magansi'nanniti halaalaancho doogo hattenneeti.

MARRO 23:18

Magani'ne Kaaliiqi manninatensa hirtannore labbaaha ikko meyata makki're giwanno daafira, uyineemmo yite xa'nitinoha nafa ikkiro, kunni garinni afidhanno woxe Magani'ne Kaaliiqi minira abbitoonke.

IBIRAAWOOTA 13:15

Kunnira, Yesuusi Kiristoosi widoonni qolle wo'ma woyite galatu kakkalo Maganoho shiqinsho. Tini kakkalo suumenkenni, «Isi Mootichankeeti» yine uyineemmote.

YOHAANNIS AJUUJA 7:10

Qoonqonsa naggi assite, «Gato ayirradu barcimira ofollino Maganitenna, Ge'rechunnite» yitu.

UMI SAAMUEELI 12:21

Kaphu maganna hoode hadhinoonte; insa tidhitinokkire ikkitino daafira kaa'lita'neranna gatissa'nera didandiitanno.