YOONAASI 2:6 - Qullaawa Maxaafa

⁶ Ilaallate hundi geeshsha lixummo; hegere geeshsha cufante heedhanno baatto dirrummo. «Ati Kaaliiqi Magani'ya kayinni, ane diimete giddonni fushshite, lubbo'ya gatisoottoe.

YOONAASI 2:6 ပူးပေါင်းရင်းမြစ်များ

IYYOOBI 33:24

Sokkaasinchuno, iso marare Maganoho, ‹Jeennaate dirrannokki gede agarisi; anino wondannisire afoommona› yaanno.

IYYOOBI 33:28

Jeennaate dirreemmokki gede gatisinoe; kuneeti xaa geeshshano lubbotenni noommo› yaanno.

FAARSO 104:6

Lowo baara uddanimma uddisiisoottose; wayino ilaalla guggushshino.

FAARSO 104:8

Wayi qixxeessoottosi dargira, ilaallate aaniranna laggate giddora hige lolahi.

FAARSO 116:3

Reyote dano doyisitue; waammate waajjilli gaangeessie; waajjillunna yaaddo amaddue.

FAARSO 143:7

Kaaliiqa'ya ballo, hexxo'ya baala ba'inona, keeshshittokkinni macciishshie; alba go'littoero, jeennaate dirritinori ledo karsama'yaati.

FAARSO 16:10

kunnira, wodani'ya hagiidhanno; arrawi'yano hisatanno. Manninati'yano yaaddo nookkiha galanno.

FAARSO 18:5

Jeennaatu siiwo xaaxantue; reyote woshshaadono amaddue.

FAARSO 30:3

Kaaliiqa, lubbo'ya jeennaatu gaminni haa'rootto; waamma e"eemmokki gedeno gatisoottoe.

FAARSO 30:9

Ani ree waamamummoro ma kaa'leemmohe? Bushsha ikkummoro galateemmoheni? Halaalaanchimmakki kule afeemmoni?

FAARSO 55:23

Magano, ati kayinni bushuulle qile balera tugi; manna shitannorinna dogaasine taaloote dirono diheedhanno; ani kayinni ate hexxeemmo.

FAARSO 65:6

Jawaata wolqakki leellishshanni, ilaalla base basensara uurrisootto.

FAARSO 69:2

Leepho egemmitue; kaxxe uurreemmowano hoogummo. Diimete giddora eummo; lolahuno iimaanni hige saie.

ISAYAASI 38:10

Mereerimu diri giddo hee're reenna, diri'yano moorameenna, jeennaate dirreemmoha laweennae yaadoommo.

ISAYAASI 38:17

Iillinoe qarri anera danchummateeti; baxillikkinni lubbo'ya baote balenni agarattoe; cubbo'ya baalankano agurattoe.

ISAYAASI 40:12

Wayibba hoowisinni, gordo taakkosinni bikkinohu, baattote bushsha saffunni safarinohu ayeti? Ilaallanna gaarra, keenaasinchunni keeninohu ayeti?

HIZIQEELI 26:20

Jeennaate dirrite albi manni ledo xaadatto gede asseemmohe. Reyitinori ledo fiixa ikkite hee'ratto gede, hakko baattote woroonni noo jeennaatira diigante ba'inori ledo wore agureemmohe. Kunninni kainohunni, layinkimeeshsho mannu dihee'rannohe; lubbotenni noori ledo dikiiramatto.

HIZIQEELI 31:14

Aye gedeno waa agganni lophite kunni garinni hojja gordo iillitannoti, hattoo haqqicho kunni ka'a horonta diheedhanno. Mannaho iillitanno reyo insarano iillitanno; jeennaate dirritannori ledo karsantanno gede yoo yinoonninsa» yee coy'rie.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

IMBAAQOOMI 3:6

Isi uurranno woyite baatto hembeelantanno; isi lairo gosa qece yitanno; bi're hundi ilaalla diigantanno; isi aanaanni hige ha'rannoti bi're albi gaarra xenfe'e yitanno.

MAATEWOOSI 16:18

Ani kuleemmohena, Pheexiroosi ati kinchoho; kunni kinchi aana Beetekiristaane'ya mi'neemmo. Ise reyote wolqa nafa diqeeltannose.

MARRO 32:22

Hanqi'ya giirate gede buwe, baattote aana noore baala gudanno. Giirano jeennaatu geeshsha iillitanno; ilaallate safono ittanno.