YOHAANNISI 9:34 - Qullaawa Maxaafa

³⁴ Insa qolte, «Cubbunni sona ba'e ilamoottohu kuni, ninke rosiisattoraatini?» yite xaadu mininni fushshite huntusi.

YOHAANNISI 9:34 ပူးပေါင်းရင်းမြစ်များ

KALAQAMA 19:9

Insano, «Ka'a higi!» yitusi. Qolteno, «Ati diwole gobbanni dayottoho? Assineemmore ati kulattonke? Giwittoro insa aana assinammora hendoommohunni roore, ate aana busha coye assineemmo» yitusi. Kunni garinni Looxi xiibbe tugge waalcho hiiqqitara ka'u.

LAYINKI DUDUWO 25:16

Himanaanchu coyi're gudikkinni Amesiyaasi, «Ate mootete amaalaancho mamoote assinummohe? Xa sammi diyaatto? Giwittoro sheemmohe?» yiisi. Himanaanchuno shiima yanna taxxi yiihu gedensaanni, «Konne coye assakkiranna ane amaale adha giwakkira Maganu hunahera kainota afoommo» yii.

IYYOOBI 14:4

Battaawinori giddonni battaawinokkire, fushshara dandaannohu nooni?

IYYOOBI 25:4

Maganu albaanni, mannu keeraa'mara, ilaminohu baalu fayyaaleessa ikkara dandaannoni?

FAARSO 51:5

Ilamummo barrinni kayise ani bushaho; godowamummo yannanni kayise ani cubbaataamoho.

FULO 2:14

Manchuno, «Ninkera roorrichanna yoo yaattoha asse worinohehu ayeti? Woy Gibitsicha shiitto gede aneno shaattoera hasi'roo?» yiisi. Museno lowo geeshsha waajje, «Hada assoommore mannu afe kaino» yee hedi.

LAWISHSHA 22:10

Haariimaancho giddonni fushshiniro, yekkeerama diheedhanno; gibbonna xonono uurritanno.

LAWISHSHA 26:12

Umosi egennaamo asse kiiranno manchinni roore, gowwu manchira hexxo noosi.

LAWISHSHA 29:1

Batinye hinge seejjineenna, mokkookke higa giwannohu, hurannokki gede ikke hedeweelcho hiiqqamanno.

ISAYAASI 65:5

Insa, ‹Ninke qullaawootahona gamba yitinoontenke!› yitanno; kuri, sano'yara wiliilete gedenna, barra wo'mano bubbanno giira gede ikke bushshannoe.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

LUQAASI 11:45

Seeru rosiisaano giddonni mittu Yesuusa, «Rosiisaancho, togo yaatto woyite ninkeno xontanniwe nootto» yii.

LUQAASI 14:11

Isonoo gotti assannohu, heeshshi yaanno; isonoo heeshshi assannohu, gotti yaanno.

LUQAASI 18:17

Halaale yeemmo'nena, ayino Maganu gashshoote qaaqquullu gede ikke adhannokkihu dieanno» yiinsa.

LUQAASI 6:22

«Ane Manchi Beettinni kainohunni mannu giwi'nero, giddonsanni fushshe huni'nero, mishi'neronna su'ma'ne bushatenni kayisiro ba'raadhinoonnireeti.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

YOHAANNISI 8:41

Ki'ne anni'ne loosanno looso loossinanni» yiinsa. Insa qolte, «Ninke darchoho ilammoommore di"ikkinoommo. Noonke Anni Magano callaho» yitu.

YOHAANNISI 9:2

Rosaanosi Yesuusa, «Rosiisaancho, kuni manchi illiweele ilaminohu ayi loosino cubbinniiti? Isinso iltinosiri loossino cubbooti?» yite xa'mitu.

YOHAANNISI 9:22

Iltinosiri hatto yitinohu Yesuusa, «Kiristoosaati» yaannoha xaadu mininni fushshine hunnanni gede kulloonni daafira Ayihudete roorroota waajjiteeti.

YOHAANNISI 9:35

Yesuusi mancho xaadu mininni fushshite huntinosita macciishshi. Isi ledo xaadi woyite, «Manchi Beetto amma'natto?» yee xa'misi.

YOHAANNISI 9:40

Hatte yannara Yesuusi mule noo Farisooti yiino coye macciishshite, «Hatto yaatto woyite, ninkeno ballootaho yaateni?» yitu.

UMI QORONTOOSI 5:13

Gobbaanni noori aana yoo yaannohu Maganoho. Kunnira, Qullaawa borro yitannonte gede, busha mereeri'nenni hunne.

GALATIYU SOKKA 2:15

Ninke halaalenko ilamanke Ayihudete, «Cubbaataamma Dagaati» yinannire di"ikkinoommo.

EFESOONI SOKKA 2:3

Ninke baalunku hakko manni gede halchonkenna hedonke garinni maalu yorto wonshinanni hee'noommo. Wolu manni gede kalaqaminkenni Maganu hanqi giddo hee'noommo.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

SAYIKKI YOHAANNISI 1:10

Kunnira ki'newa dayemmo woyite, xonanninkenna shollishanninke loosanno looso baala baalunkura kuleemmo. Hakkonne calla ikkikkinni roduuwano dihaa'ranno; haadhannoreno hoole insano beetekiristaanetenni fushshe shorranno.

SAYIKKI YOHAANNISI 1:9

Beetekiristaanete sokka borreessoommo; ikkollana albiidiha ikka hasi'rannohu Diyoxiraafiisi haa'ra giwinonke.

YOHAANNIS AJUUJA 13:17

Kunni garinni, moyichu su'ma ikkino malaati woy su'misi kiiro noosikki manchi ayino hirano hidhano didandaanno.