YOHAANNISI 9:3 - Qullaawa Maxaafa

³ Yesuusi, «Kuni manchi illiweele ilaminohu, isi woy iltinosiri loossino cubbinni di"ikkino; ikkollana Maganu loosi isi aana leellanno gedeeti.

YOHAANNISI 9:3 ပူးပေါင်းရင်းမြစ်များ

IYYOOBI 21:27

«Kuneeti, hedo'nenna, ane gawajjate maltinoonni mala afoommo.

IYYOOBI 32:3

Eelihu Iyyoobira calla ikkikkinni, sasunku Iyyoobi jaallarano hanqino. Hanqinohuno, Iyyoobi sao assino yituro nafa, garunni qoltinosikkihuraati.

IYYOOBI 42:7

Kaaliiqi Iyyoobi ledo hasaawa gudihu gedensaanni, Temaanichu Elfaazira, «Brojjichi'ya Iyyoobi gede ane daafira taalo coye dicoyidhinoonnina, hanqi'ya atenna lamunku jaallakki aana buwino.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

YOHAANNISI 11:4

Yesuusino konne coye macciishshe, «Kuni dhibbi reyote iillishannoha di"ikkino. Ikkollana Maganu ayirrinyira ikkanno. Maganu Beettino kunninni ayirranno gedeeti» yii.

YOHAANNISI 11:40

Yesuusino, «Ammanittaha ikkiro Maganu ayirrinye la"atta diyoommohe?» yiise.

SOQQAMAASINETE LOOSO 28:4

Maalta Giddicho manni buute Phaawuloosi anga aana qa'mite noota afe mimmitoho, «Kuni manchi halaalinta manna shiinoho. Baaru dambaliwiinni gate fulirono, halaaluwiinni gate fula didandiino» yii.

SOQQAMAASINETE LOOSO 4:21

Songono insa qorichisha dandiitannokkita affe, mannuno kunni coyira Magano galatanni noo daafira waajjite ledde qorophisiisse hadhanno gede assitu.

UMI YOHAANNISI 4:16

Ninkeno Maganu baxannonke baxille egenninoommo; ammannoommono. Maganu baxilleho; baxillu giddo hee'rannohu Maganu giddo hee'ranno; Maganuno isi giddo hee'ranno.

UMI YOHAANNISI 4:9

Ninkera Maganu baxilli xawinonkehu kunninniiti; isi widoonni heeshsho afi'neemmo gede, Maganu afi'rinoha mitto Beettosi tenne gobba soyino.