YOHAANNISI 9:16 - Qullaawa Maxaafa

¹⁶ Gamu Farisooti, «Kuni manchi Fooliishshote Barra diayirrisannona, Maganuwiinni dayinoha di"ikkino» yitu. Gamu kayinni, «Cubbaataamu manchi togoo maalale loose dandaannoni?» yitu. Kunninni kainohunni mereeronsa babbadooshshu kalaqami.

YOHAANNISI 9:16 ပူးပေါင်းရင်းမြစ်များ

MAATEWOOSI 12:10

Hakko mittichu anga laanshaawino manchi no. Yesuusi aana coye hasidhe, «Fooliishshote Barra dhiwaminoha hursate fajjinoonnini?» yite xa'mitusi.

MAATEWOOSI 12:2

Farisootu konne coye la'e Yesuusa, «Lai, rosaanokki Fooliishshote Barra hoolloonnire assitanni no» yitu.

LUQAASI 13:14

Fooliishshote Barra hursinohura, xaadu mini roorrichi hanqe mannaho, «Lamalate giddo loosunnihu leyu barri no. Hatte barruwanni daggine hurre; Fooliishshote Barra kayinni di"ikkanno» yiinsa.

YOHAANNISI 10:19

Konne coye coyi'rasinni Ayihudete mereero xaano babbadooshshu kalaqami.

YOHAANNISI 14:11

Ani Anni'yanni, Anni'yano anenni noota ammanne. Hattenne hoogginiro, loosoommo loosinnino ikka ammanne"e.

YOHAANNISI 15:24

Wolu loosinokki looso mereeronsa loosa hoogoommoro, cubbo di"ikkannonsa. Xa kayinni, konne baala la'uhu gedensaanni aneno Anna'yano gibbino.

YOHAANNISI 2:11

Yesuusi tenne umi maalale loosinohu Galiilu gobbara Qaana Katamiraati. Kunni garinni ayirrinyesi leellishi; rosaanosino ammantusi.

YOHAANNISI 3:2

Kuni manchi hashsha Yesuusiwa daye, «Rosiisaancho'ya, Maganu ledo hee'ra hoogiro tenne ati assatto maalale asse afannohu mittuno dino. Kunnira, ati Maganuwiinni dayotto rosiisaancho ikkoottota anfoommo» yii.

YOHAANNISI 5:10

Kunnira, Ayihudete gashshaano hakkonne mancho, «Techo Fooliishshote Barra daallasa duqqe ha'ra difajjinanni» yitusi.

YOHAANNISI 5:36

Anera kayinni Yohaannisita roortino farci'ra nooe; farci'ra'yano Anni'ya loosammora uyinoe loosooti. Kuni looseemmo loosi, Anni'ya soyinoe gede anere farci'rannoho.

YOHAANNISI 6:52

Hatte yannara Ayihude, «Kuni manchi maalasi intammora hiitto asse aannonke?» yite insa insanaawa xa'mantu.

YOHAANNISI 7:12

Mannuno isire kayise hashaashamanna mitu mitu, «Isi dancha manchooti» yii. Wolootu kayinni, «Dee'ni, isi manna so'risiisanno» yitu.

YOHAANNISI 7:23

Muse widoonni qolle uyinoonni Seeri ba"annokki gede mannu Fooliishshote Barra barcimannoha ikkiro, ani Fooliishshote Barra mannu manninate gudise hursa'yara mayira hanqitinanniyya?

YOHAANNISI 7:43

Kunnira isinni kainohunni mannu mereero babbadooshshu kalaqami.

YOHAANNISI 9:24

Hakkonne illiweele ilame huri mancho layinkimeeshsho woshshite, «Ati halaale coyi'ratenni Magano ayirrisi; kuni manchi cubbaataamo ikkinota ninke anfoommo» yitu.

SOQQAMAASINETE LOOSO 14:4

Katamu giddo noo mannino lamewa garo baxxe, gamu Ayihudootu widira gamu qole soqqamaasinete widira higi.