YOHAANNISI 8:53 - Qullaawa Maxaafa

⁵³ Ati reyiha annanke Abirihaami rooratto? Himanaanono reyitino! Ati atenee ayeti yite hedatto?» yitu.

YOHAANNISI 8:53 ပူးပေါင်းရင်းမြစ်များ

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

MAATEWOOSI 12:6

Kuleemmo'nena, Qullaawa Mine roorannohu kuneeti konniicho no.

MAATEWOOSI 3:9

‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne.

YOHAANNISI 10:33

Insa qolte, «Kinnatenni ganneemmohehu Magano xonootto daafiraati ikkinnina, dancha looso loosakkira di"ikkino. Ati manchoholla; kayinni umokki Magano assootto» yitu.

YOHAANNISI 12:34

Hatto yiita mannu, «Seeru giddo, ‹Kiristoosi hegere geeshsha hee'ranno› yine borreessinoonni. Ati kayinni, ‹Manchi Beetti sutama hasiissannosi› mayira yiitto? Kuni Manchi Beettino ayeti?» yii.

YOHAANNISI 19:7

Ayihudootuno, «Ninkera seeru noonke; kuni manchi, ‹Ani Maganu Beettooti› yaanni coyi'ranno daafira reya hasiissannosi» yitu.

YOHAANNISI 4:12

Ati tenne buicho uyinonkeha annanke Yaiqoobi roorattoni? Isi, oososinna saadasi tenne buicho aggino» yitusi.

YOHAANNISI 5:18

Yesuusi hatto yee dawarinohura Ayihudete gashshaano albinni roore shitasira hasidhu. Shaate heddinohu, Fooliishshote barri Seera diigino daafira calla ikkikkinni, «Magano anna'yaati» yee isonoo Maganu ledo taashshino daafiraati.

YOHAANNISI 8:58

Yesuusino, «Halaale kuleemmo'nena, Abirihaami ilamara albaanni ani noommo» yii.

ROOMU SOKKA 9:5

Insa albi annuwawiinni dagginoreeti. Kiristoosino maalunni dayinohu insawiinniiti; wo'munkura aliidi Magani Kiristoosi, hegere geeshsha galatamo! Hamii'ni.