YOHAANNISI 8:51 - Qullaawa Maxaafa

⁵¹ Halaale kuleemmo'nena, qaale'ya agadhannohu horonta direyanno» yiinsa.

YOHAANNISI 8:51 ပူးပေါင်းရင်းမြစ်များ

FAARSO 89:48

Reyo afikkinni hee'rannohu nooni? Umosi waammatewiinni gatisi'rannohu ayeti?

MAATEWOOSI 16:28

Halaale kuleemmo'nena, Manchi Beetti Gashshootisi ayirrinyinni daanna la'a geeshsha konniicho uurrite noori giddonni reyitannokkiri no» yii.

LUQAASI 2:26

Isi Mootichunniha Buuramino Moote afikkinni reyannokkita Qullaawu Ayyaani kulinosi.

YOHAANNISI 14:23

Yesuusino, «Baxannoehu qaale'ya wonshanno. Anni'yano baxannosi; lamunku dange ledosi hee'neemmo.

YOHAANNISI 15:20

‹Faantichu mootichasi dirooranno› yuummo'neta habbinoonte. Ane xiibbunte gede, ki'neno xiibbanno'ne. Ane qaale wonshituro, ki'ne qaaleno wonshitanno.

YOHAANNISI 17:6

«Tenne gobbanni doorte oottoe mannira ate ewelumma egensiisoommo. Insa atereeti; insa anera oottoehu ateeti. Insano qaalekki wonshitanno.

YOHAANNISI 5:24

Halaale kuleemmo'nena, qaale'ya macciishshitannoriranna soyinoeha amma'nitannorira hegere heeshsho noonsa. Reyotenni heeshshote widira sa'anno ikkinnina busha yoo diyinanninsa.

YOHAANNISI 6:50

Gordunni dirritino sagale tenneeti; tenne sagale itannohu horontanni direyanno.

YOHAANNISI 8:12

Qoleno Yesuusi, «Ani baattote aana noo mannira xawaabbaho; ane hoode ha'rannohu heeshshote xawaabba afi'ranno ikkinnina tunsichoho diha'ramanno» yii.

YOHAANNISI 8:52

Ayihudootu, «Durriisu nooheta xa anfummo; Abirihaami reyino; himanaanono reyitino. Ati kayinni, ‹Qaale'ya agadhannohu horonta direyanno› yaatto.

YOHAANNISI 8:55

Ikkollana ki'ne iso diaffinoonni; ani kayinni iso egennoommo. Ani iso diegennoommo yuummoro ki'nente gede kaphaancho ikka'yaati. Iso egennoommo; qaalesino agadheemmo.

IBIRAAWOOTA 11:5

Heenooki reyo amaddusikkinni gordo ha'rinohu amma'natenniiti. Maganu haa'rinosi daafira dianfoonnisi. Haa'rasira albaanni Magano hagiirsiisinota farci'noonni.

IBIRAAWOOTA 2:9

Xa kayinni sokkaasinetewiinni shiima yanna geeshsha ajino. Xa kayinni reyote qarra adhino daafira, ayirrinyunna galatu ba'latto worroonnisiha Yesuusa la'neemmo; isi Maganu eltonni baalunku daafira reyino.