YOHAANNISI 8:47 - Qullaawa Maxaafa

⁴⁷ Maganunnihu Maganu yaannore macciishshanno. Ki'ne Maganu qaale macciishshitinannikkihu Maganunnire ikka hoogginoonnihuraati» yiinsa.

YOHAANNISI 8:47 ပူးပေါင်းရင်းမြစ်များ

DAANIEELI 12:10

Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

YOHAANNISI 12:48

Ane hasi'rannokkihunna qaale'ya giwannohu aana yoo yaannohu no. Kuni ani kuleemmo qaali goofimarchu barra isi aana yoo yaannosi.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 5:25

«Halaale kuleemmo'nena, reyino manni Maganu Beetti qaale macciishshanno yanna dagganno; hatti yannano xaati. Macciishshitannori baalu lubbotenni heedhanno.

YOHAANNISI 6:65

Yesuusi lede, «Anni'ya fajjinoha agurranna anewa daa dandaannohu dino yoommohu kunniraati» yii.

YOHAANNISI 8:37

Abirihaami sircho ikkitinoonnita afoommo; ikkollana, qaali'ya giddo'ne nookkihura, shitinaera hasidhinanni heedhinoonni.

YOHAANNISI 8:43

Ani yeemmori mayira leella giwi'ne? Coyi'reemmore buuxa dandiitinannikki daafiraati.

YOHAANNISI 8:45

Ani kayinni halaale coyi'reemmohura diammantinannie.

UMI YOHAANNISI 3:10

Maganu oosonna Daawuloosi ooso bande anfannihu kunninniiti; keeraanchimma assannokkihunna rodoosi baxannokkihu baalu Maganu ila di"ikkino.

UMI YOHAANNISI 5:1

Yesuusi, Buuramino Moote ikkinota ammanannohu baalu, Maganu ilaati; anna baxannohu baalu beettono baxanno.

LAYINKI YOHAANNISI 1:9

Kiristoosi rosiisino garinni hee'rannokkihuranna isiwiinni xeerti'rannohura Maganu dinosi; Kiristoosi rosiisino garinni hee'rannohura Maganu Annunna Beettu noosi.

SAYIKKI YOHAANNISI 1:11

Jaala'ya! Dancha ikkinnina busha labbooti; danchare assannohu Maganunniho; bushare assannohu kayinni Magano diafino.