YOHAANNISI 8:44 - Qullaawa Maxaafa

⁴⁴ Ki'ne anni'ne Daawuloosi oosooti. Anni'ne hedinore wonshitinara hasidhinanni. Isi bi're hundanni manna shiinoho. Halaalu isiwa hoongohura, halaalu ledo horonta xaadu dinosi. Isi kaphaanchonna kaphu anna ikkinohura, kapho coyi'ranno woyite rosinorella assanno.

YOHAANNISI 8:44 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

UMI MOOTOOLLA 22:22

«Kaaliiqino, ‹Hiitto assite so'risiisatto?› yee xa'mi. «Hakku ayyaanino, ‹Mare Akiaabi himanaano baala kapho himantanno gede asseemmo› yiino. «Kaaliiqino, ‹Maahoyyena marte so'risiisi. Yootto coyi ikkannohena› yiino» yiisi.

UMI DUDUWO 21:1

Sheexaanu Israeelete manna qarrisara yee manna kiiranno gede Daawiti kakkayisi.

IYYOOBI 1:11

Angakki diriirsite afi'rinore baala haadhe hooloottoro, halaalinta ati la'anna xonannohe» yiisi.

MAATEWOOSI 12:34

Ki'ne hamashshu ooso, bushuulle ikkitine heedhine dancha coye coyi'ra hiitto dandiitinanni? Mannu wodanisira wo'me gatinoha coyi'ranno.

MAATEWOOSI 13:15

Kunni manni wodani dillaawino; maccansano beebbino; illensano tunsitino. Hatto ikka hoogoommero, illensanni la'e, maccansanni macciishshite, wodaninsanni wodanchite, anewa higgeenna hurseemmonsahu baino» yee borreessino himani aanansa wo'manno.

MAATEWOOSI 13:38

Gatu tenne alameeti; danchu wixi Maganu Gashshooti oosooti; santaatu Sheexaanu oosooti.

YOHAANNISI 6:70

Yesuusino, «Ani ki'ne ditonaa lame doorummo'ne? Ki'ne giddonni kayinni mittu Daawuloosiiti» yiinsa.

YOHAANNISI 7:17

Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

YOHAANNISI 8:38

Ani, Anni'ya leellishinoere coyi'reemmo; ki'neno anni'ne kulino'nere assitinanni» yiinsa.

YOHAANNISI 8:41

Ki'ne anni'ne loosanno looso loossinanni» yiinsa. Insa qolte, «Ninke darchoho ilammoommore di"ikkinoommo. Noonke Anni Magano callaho» yitu.

YOHAANNISI 8:55

Ikkollana ki'ne iso diaffinoonni; ani kayinni iso egennoommo. Ani iso diegennoommo yuummoro ki'nente gede kaphaancho ikka'yaati. Iso egennoommo; qaalesino agadheemmo.

SOQQAMAASINETE LOOSO 13:10

«Ati Sheexaanu beetti, halaalu baalu diini, bunshenna kaphu baalu giddo wo'minohehu, suwashsho Mootichu doogo dawisa diaguratto?

SOQQAMAASINETE LOOSO 24:9

Ayihudootuno, «Kuni halaaleho» yite afo xaaddu.

SOQQAMAASINETE LOOSO 5:3

Pheexiroosi kayinni, «Hanaaniya, Qullaawa Ayyaana dogattonna baatto hirootto woxe gama gatisi'ratto gede Sheexaanu wodanikki giddora mayira ei?

LAYINKI QORONTOOSI 11:3

Hamashshu Heewani xagare so'risiisinte gede, miteekkite ki'ne hedono ba'eenna Kiristoosira noo'neta taalonna xalala ammanama'ne agurtinanni yee waajjeemmo.

UMI PHEEXIROOSI 5:8

Jilbunni heedhe; balala gede ikkitinoonte! Diini'ne Daawuloosi egemmannoha hasi'ranni ittananno doobbichi gede qooxeessi'nera doyanni no.

LAYINKI PHEEXIROOSI 2:4

Maganu cubbo loossino sokkaasine nafa mararikkinni tunsichu qile giddo heedhe yoote barra agadhitanno gede, gaannaamete tuginonsa.

UMI YOHAANNISI 1:8

«Cubbu dinonke» yinummoro umonke dongeemmo; halaaluno giddonke dino.

UMI YOHAANNISI 2:21

Ki'nera borreesse kuleemmo'nehu, halaale egentinoonnikki daafira di"ikkino; halaale egentinoonni; halaalu giddo kaphu nookkitano affinoonni.

UMI YOHAANNISI 2:4

«Magano egennoommo» yaanni, hajajosi wonshannokkihu hee'riro, hakku kaphaanchoho; halaaluno giddosi dino.

UMI YOHAANNISI 3:12

Bushunniha ikkinohu Qaayeeli rodoosi shiino; ninke hattoore ikkinoonke. Isi rodoosi mayira shii? Loosisi bushinohuraatinna rodiisi loosi dancha ikkinohuraati.

UMI YOHAANNISI 3:15

Rodoosi giwannohu baalu manna shiinoho; manna shiinohura hegere heeshsho noosikkita egentinoonni.

YIHUDA 1:6

Heedhanno darga calla ikkikkinni uyinoonninsa roorre agurtino sokkaasine, jawu yoote barri geeshsha hegere usurira tunsichu giddo wore agare no.

YOHAANNIS AJUUJA 12:9

Lowo dhudhuufi woro hige tugami; isi Daawuloosiiti woy Sheexaaneho yinannihu kalqe baala so'risiisannohu bi're albi hamashshooti. Iso uullara tungi; sokkaasinesino isi ledo tugantu.

YOHAANNIS AJUUJA 13:14

Umi moyichira albaanni leellishara fajjinoonnisi malaatinni kainohunni, baattote aana hee'ranno manna so'risiisanno. Bagadu madiisseenna gatino moyichi dani misile seekkitanno gede baattote aana noo manna hajajanno.

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.

YOHAANNIS AJUUJA 22:15

Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.

YOHAANNIS AJUUJA 9:11

Insara moote noonsa; isino qile bale sokkaasinchooti. Su'masi Ibiraawootu afiinni, «Abadooni» Giriikete afiinni, «Apholiyoni» yinanni.