YOHAANNISI 7:26 - Qullaawa Maxaafa

²⁶ Kune isi xawoho coyi'ranno; insa mittoreno diyitinosi. Kuni manchi Kiristoosa ikkinota roorrootu affino ikka?

YOHAANNISI 7:26 ပူးပေါင်းရင်းမြစ်များ

LAWISHSHA 28:1

Bushu manchi shorrinikkinni xooqanno; keeraanchu kayinni doobbiichu gede bashshi assikkinni hee'ranno.

ISAYAASI 42:4

Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

MAATEWOOSI 22:16

Rosaanonsa Heeroodisi manni ledo Yesuusiwa sokke, «Rosiisaancho, ati halaalaancho ikkoottotanna Maganu doogo halaalunni rosiisattota egenninoommo. Manna waajjite assatto coyi dino; mannahono godowa dihosatto» yituhu gedensaanni,

LUQAASI 23:13

Hakkunni gedensaanni Philaaxoosi qeesootu roorroota, gobbate geerranna manna mitteenni woshshe,

LUQAASI 7:30

Farisootunna Seeru fullahooti kayinni Yohaannisi anga cuuama gibbe Maganu hedo facci assite agurtu.

YOHAANNISI 12:42

Ikkirono Ayihudete roorrooti giddonni nafa batinyu Yesuusa amma'nitino. Ikkollana, «Farisootu xaadu mininni fushshite huntannonke» yite waajjitino daafira konne coye xawoho dihasaabbino.

YOHAANNISI 18:20

Yesuusino, «Ani manna baalaho xawoho coyi'roommo; Ayihude baala gamba yitannowa xaadu minenna Qullaawa Mine wo'ma woyite rosiisoommo; maaxe coyi'roommori mitturino dino.

YOHAANNISI 3:1

Farisootu gaamo giddo Niqoodimoosi yinannihu mittu Ayihudete gashshaanchi no.

YOHAANNISI 4:29

«Loosoommare baala kulinoe mancho la'inannina amme! Isi Kiristoosa ikka ikka?» yitu.

YOHAANNISI 7:25

Yerusaalamete manni giddonni mitu mitu, «Shitara hasidhanno manchi konne di"ikkino?

YOHAANNISI 7:31

Lowo manni iso ammani. Qoleno, «Kiristoosi dayiro kuni manchi loosino dhaggenni roore loosa ikka?» yii.

YOHAANNISI 7:48

Xaa geeshsha gashshaanotenna Farisootu giddonni iso ammaninohu nooni?

YOHAANNISI 9:22

Iltinosiri hatto yitinohu Yesuusa, «Kiristoosaati» yaannoha xaadu mininni fushshine hunnanni gede kulloonni daafira Ayihudete roorroota waajjiteeti.

SOQQAMAASINETE LOOSO 4:13

Pheexiroosinna Yohaannisi waajjitukkinni coyidhino daafira, songite noori roso afidhinokkire mulla manna ikkitinota affino daafira maala'litu. Yesuusi ledo keeshshitinotano huwattu.

FILIPHISIYUSI SOKKA 1:14

Mootichunni noori lowo roduuwino usurama'ya halaalunnita ikkitinota ammante Maganu qaale kultara waajja nookkiha albinni roore jawaattanni no.