YOHAANNISI 7:19 - Qullaawa Maxaafa

¹⁹ Muse Seera diuyino'ne? Giddo'ne kayinni hakkonne seera wonshannohu mittuno dino. Ki'ne ane shitinara mayira hasidhinanni?» yee qolinsa.

YOHAANNISI 7:19 ပူးပေါင်းရင်းမြစ်များ

MAATEWOOSI 12:14

Farisootu kayinni hakkiinni fulte Yesuusa shitanno gara amaalantu.

MAATEWOOSI 21:38

Gutanyootu kayinni beetto affu yannara, ‹Kuni ragi'rannohona, amme shinona; iqqasino ninke ragi'neemmo› yitu.

MAARQOOSI 11:18

Qeesootu roorrootinna Muse Seeri rosiisaano hatto yee coyi'ranna macciishshitu. Mannu baalu isi rosiisino coye dhaggeeffatanni noo daafira, waajjitusi. Kunnira shitannosi doogo hassu.

MAARQOOSI 3:4

Hakkiinnino aanche, «Seeru garinni Fooliishshote Barra danchanso busha loosate fajjinoonni? Lubbo gatisatenso hunate fajjinoonni?» yee xa'minsa. Insa kayinni tenne te'enne diyitino.

MAARQOOSI 3:6

Hakkawoyintenni Farisootu Yesuusa huntanno gara Heeroodisi manni ledo amaalantu.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

YOHAANNISI 10:39

Insa xaano Yesuusa amaddara hasidhu; isi kayinni angansanni luxuphe ha'ri.

YOHAANNISI 11:53

Kunnira, hakko barrinni kayisse Yesuusa shitara ma'litu.

YOHAANNISI 5:16

Hattoo coye Fooliishshote Barra assino daafira, Ayihudete gashshaano Yesuusa qarrissusi.

YOHAANNISI 5:18

Yesuusi hatto yee dawarinohura Ayihudete gashshaano albinni roore shitasira hasidhu. Shaate heddinohu, Fooliishshote barri Seera diigino daafira calla ikkikkinni, «Magano anna'yaati» yee isonoo Maganu ledo taashshino daafiraati.

YOHAANNISI 5:45

Ani ki'ne Anni'ya albaanni diabbooshshi'reemmo'ne. Ki'ne abbooshshi'rannohu ki'ne hawaqidhine heedhinannihu Museeti.

YOHAANNISI 7:1

Hakkunni gedensaanni Yesuusi Galiilaho ha'ramanni keeshshi. Ayihude shitasira hasidhanno daafira, Yihudu giddo ha'rama dihasi'rino.

YOHAANNISI 7:25

Yerusaalamete manni giddonni mitu mitu, «Shitara hasidhanno manchi konne di"ikkino?

SOQQAMAASINETE LOOSO 7:38

Halalla songe noo manni ledonna Siina Ilaali aana coyi'ri sokkaasinchinna annuwanke ledo noohu isooti. Maganunniha heeshshote qaale ninkera sayisinonkehu Muse isooti.

GALATIYU SOKKA 3:19

Seera uyinoonnihu mayiraati? Seera lendoonnihu Abirihaamira hexxotenni uyinoonni sirchi daa geeshsha cubbu hiittoohoro egensiisateeti. Seera, mittu mereeri manchinni sokkaasinete widoonni qolle uyinoonni.

GALATIYU SOKKA 6:13

Barcintinara hasidhannohu, insa ki'ne barcimanni su'ma adhitara yiteeti ikkinnina, barcintino insa nafa Seera diguuttino.

MARRO 1:17

Yoo dawissinoonte; lowohano shiimano taashshitine la'e. Yoo Maganunnita ikkitinohura, ayeno waajjitinoonte. Wolqa'nera aleenni ikkinoha baalanka ani laeemmona, anewa abbe› yoommo.

MARRO 33:4

Israeelete ga're gamba yitineenna, ani Muse, ayirrado Maganu Seera oommo'ne. Kaaliiqino Israeelete moote ikki.