YOHAANNISI 7:17 - Qullaawa Maxaafa

¹⁷ Soyinoehu hedo wonsha hasi'rannohu, kuni rosi Maganunnihoronna ani umi'yanni coyi'reemmohoro afanno.

YOHAANNISI 7:17 ပူးပေါင်းရင်းမြစ်များ

FAARSO 119:10

Ate wo'mu wodani'yanni hasi'reemmo daafira, hajajokki wonsheemmo gede kaa'lie.

FAARSO 25:12

Waajjannosi manna, Kaaliiqi doorantino doogo aana ha'risannonsa.

FAARSO 25:14

Ayirrissannosirira baalaho Kaaliiqi jaalansaati; gondoorosino egentanno gede assannonsa.

LAWISHSHA 28:5

Bushu manni halaalu maatiro diegennino; Kaaliiqa hasidhannori kayinni seekkite egentino.

LAWISHSHA 3:32

Kaaliiqi busha assitannore giwanno. Suwashshu wodanirira kayinni wodanisire kulanno.

ISAYAASI 35:8

Hakkiicho, Jawa doogo heedhanno; iseno, «Qullaawa Doogooti» yinanni. Tini doogo Kaaliiqi mannira ikkitanno; keeraa'minokkihu hakkaanni hige diha'ranno; hawanyu hakkaanni hige sa"ara diuyinannisi.

DAANIEELI 12:10

Lowo manni ko'rishantenna ximbiiwante fulte kullanniri nookkire ikkitanno. Haxawarrootu kayinni mittoreno wodanchitannokkihura bunshete aana bunshe leddanno. Wodancha dandiitannori egennaamma callaho.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MIKIYAASI 4:2

kuni mannino, «Seera Tsiyooni, Maganu qaaleno Yerusaalamete anfanni daafira, amme Kaaliiqi ilaala fullona; amme ka'a Yaiqoobi Magani mini huuccattonnihuwa ha'nona. Isi hedinore assineemmo gede rosiisannonke; ninkeno isi doogo hinge ha'neemmo» yaanno.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

MAATEWOOSI 6:22

Yesuusi qole, «Mannimmate caabbichi illete; kunnira ille'ne keere ikkituro, mannimma'ne baala xawaabba ikkitanno.

LUQAASI 8:15

Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.

YOHAANNISI 3:21

Halaale loosannohu kayinni xawaabbunniwa daanno. Xawaabbunniwa daannohuno loosanno loosi Maganu hajajo garinni ikkinota anfanni gedeeti.

YOHAANNISI 8:43

Ani yeemmori mayira leella giwi'ne? Coyi'reemmore buuxa dandiitinannikki daafiraati.

YOHAANNISI 8:44

Ki'ne anni'ne Daawuloosi oosooti. Anni'ne hedinore wonshitinara hasidhinanni. Isi bi're hundanni manna shiinoho. Halaalu isiwa hoongohura, halaalu ledo horonta xaadu dinosi. Isi kaphaanchonna kaphu anna ikkinohura, kapho coyi'ranno woyite rosinorella assanno.

YOHAANNISI 8:47

Maganunnihu Maganu yaannore macciishshanno. Ki'ne Maganu qaale macciishshitinannikkihu Maganunnire ikka hoogginoonnihuraati» yiinsa.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.