YOHAANNISI 7:13 - Qullaawa Maxaafa

¹³ Ikkollana Ayihudete gashshaano waajjitino daafira, ayino isire xawo fushshe coyi'rinohu dino.

YOHAANNISI 7:13 ပူးပေါင်းရင်းမြစ်များ

LAWISHSHA 29:25

Manna waajjannohu woshshaado eanno; Kaaliiqa addaxxannohu kayinni keere afi'ranno.

YOHAANNISI 19:38

Yesuusi rosaancho ikkinohu Armaatiyu katamihu Yooseefi, Yesuusi reeshsha fajjannosi gede Philaaxoosi xa'mi'ri. Ayihude waajjino daafira maaxame mare xa'mi'rino. Philaaxoosino fajjeennasi mare Yesuusi reeshsha adhe ha'ri.

YOHAANNISI 20:19

Sambatu hawarro rosaanosi Ayihude waajjite cufana cufidhe mitto mine gamba yite no. Cufanu cufame hee'reenna Yesuusi rosaanosi gamba yite noowa daye mereeronsa uurre, «Keeru ki'ne ledo hee'ro!» yiinsa.

YOHAANNISI 3:2

Kuni manchi hashsha Yesuusiwa daye, «Rosiisaancho'ya, Maganu ledo hee'ra hoogiro tenne ati assatto maalale asse afannohu mittuno dino. Kunnira, ati Maganuwiinni dayotto rosiisaancho ikkoottota anfoommo» yii.

YOHAANNISI 7:1

Hakkunni gedensaanni Yesuusi Galiilaho ha'ramanni keeshshi. Ayihude shitasira hasidhanno daafira, Yihudu giddo ha'rama dihasi'rino.

YOHAANNISI 7:11

Ayyaana ayirrinsanniwa Ayihudete gashshaano, «Isi hiikko no?» yitanni hassu.

YOHAANNISI 7:15

Ayihudete gashshaano, «Kuni manchi rosiinsisikkinni konne baala hiitto ikke afa dandii?» yite dhaggeeffattu.

YOHAANNISI 9:22

Iltinosiri hatto yitinohu Yesuusa, «Kiristoosaati» yaannoha xaadu mininni fushshine hunnanni gede kulloonni daafira Ayihudete roorroota waajjiteeti.

YOHAANNISI 9:34

Insa qolte, «Cubbunni sona ba'e ilamoottohu kuni, ninke rosiisattoraatini?» yite xaadu mininni fushshite huntusi.

YOHAANNIS AJUUJA 2:13

Sheexaanu gashshe noo gobbara hee'rattota afoommo. Anera ammanaminoha Antiphaasi Sheexaanu hee'rannowa ki'ne katamira shini woyite nafa, su'ma'ya seekkite cu'mi'rootto; amma'nakki facci assite diagurootto.