YOHAANNISI 6:57 - Qullaawa Maxaafa

⁵⁷ Heeshshonnihu Annu soyinoe garinni, anino isinni heeshshonniha ikkoommonte gede, maala'ya itannohu baalu anenni heeshshonniha ikkanno.

YOHAANNISI 6:57 ပူးပေါင်းရင်းမြစ်များ

FAARSO 18:46

Kaaliiqi Heeshshonniho! Golo'ya ikkino Magani galatamo! Gatisannoe Magani ayirro!

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

MAATEWOOSI 16:16

Hatte yannara Simiooni Pheexiroosi qole, «Ati Heeshshote Magani Beetto Kiristoosaati» yii.

YOHAANNISI 14:19

Shiima yanna gedensaanni tini gobba diaffannoe; ki'ne kayinni affinannie. Ani heeshshonniha ikkoommo daafira, ki'neno lubbotenni heedhinanni.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 17:21

Huucci'reemmohehu insa baalunku mitto ikkitanno gedeeti. Anna'ya, ati anenni, anino atenni noommonte gede, insano ninkenni heedhanna, tini gobbano soottoeta ammantanno gedeeti.

YOHAANNISI 3:17

Maganu beettosi soyinohu baattote aana noo mannira busha yoo yaate ikkikkinni gatisate yeeti.

YOHAANNISI 5:26

Annu giddo heeshsho noonte gede, Beettu giddono heeshsho heedhanno gede assino.

YOHAANNISI 6:29

Yesuusino, «Maganu loosi isi soyinoha amma'nate» yiinsa.

YOHAANNISI 6:38

Ani gordunni dayommohu soyinoehu hedinore wonshammoraati ikkinnina, umi'ya hedo wonshate di"ikkino.

UMI QORONTOOSI 15:22

Addaaminni kainohunni mannu baalu reyannonte gede, Kiristoosi widoonni mannu baalu heeshsho afi'ranno.

UMI QORONTOOSI 15:45

Kunnira Maganu qaali, «Umi manchi Addaami lubbotenni hee'ranno kalaqama ikkino» yaanno. Gedensiidi Addaami kayinni heeshsho aanno Ayyaana ikkino.

LAYINKI QORONTOOSI 13:4

Isi masiqalu aana sutame wolqiweelu gede ikke reyinoha ikkirono, xa Maganu wolqanni lubbotenni no. Ninkeno isi ledo wolqiweeloota ikkinoommo. Ki'ne ledo noonke xaadooshshinni kayinni isi ledo Maganu wolqanni hee'neemmo.

GALATIYU SOKKA 2:20

Ani Kiristoosi ledo dawete aana sutame noommo; kunni ka'a ani dihee'reemmona ane giddo Kiristoosi hee'ranno. Xa hee'reemmo heeshsho baxannoehanna ane daafira lubbosi sayise uyinoha Maganu Beetto amma'natenni afi'roommote.

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

IBIRAAWOOTA 9:14

Hatto ikkannoha ikkiro, hegere Ayyaani widoonni qole isonoo mishamme nookki kakkalo asse Maganoho shiqishinohunniti Kiristoosi mundee heeshshote Maganira soqqammeemmo gede, reyote loosiwiinni tiianke hiitto roorsite keereensa hoogganno!

UMI YOHAANNISI 4:9

Ninkera Maganu baxilli xawinonkehu kunninniiti; isi widoonni heeshsho afi'neemmo gede, Maganu afi'rinoha mitto Beettosi tenne gobba soyino.