YOHAANNISI 6:2 - Qullaawa Maxaafa

² Lowo manni Yesuusi dhiwamaasine hursatenni loosino maalale lae hoodesi ha'ri.

YOHAANNISI 6:2 ပူးပေါင်းရင်းမြစ်များ

MAATEWOOSI 12:15

Yesuusi kayinni ganonsa afe hakkiinni wirri yii; lowo mannino hoodesi ha'ri. Isino dhiwantinore baala hursi.

MAATEWOOSI 13:2

Lowo manni isiwa daye gamba yiita, isino baaru giddo noo yowolo aana ofolli. Mannu baalunku hakkiicho baaru gama uurre no.

MAATEWOOSI 14:14

Yesuusi yowolote aaninni dirri woyite lowo manna lae mararinsa; dhiwamaasinensano hursi.

MAATEWOOSI 8:1

Yesuusi ilaalu aaninni dirrita, lowo manni hoodesi ha'ri.

MAARQOOSI 1:45

Manchu kayinni hakkiinni kae ha'ranni hee'renni, manna baalaho duduwi. Kunnira, Yesuusi mannu afanna katama ea dandiinokki daafira, katamaho gobbaanni halalla keeshshino. Mannu kayinni addi addi gobbanni isiwa daa diagurino.

MAARQOOSI 6:33

Ikkollana lowo manni insa afe katamu baalunni fule, lekkatenni balaxe sae agari.

YOHAANNISI 11:47

Kunnira qeesootu roorrootinna Farisootu Songo woshshite gamba assite, «Kuni manchi lowo maalale loosanni noona, ma assino?

YOHAANNISI 12:18

Lowo manni haa'rasira fulinohuno assino maalale macciishshinohuraati.

YOHAANNISI 12:37

Yesuusi tenne maalale baala albansaanni loosanni hee'reenna nafa, Ayihudootu diammantinosi.

YOHAANNISI 2:11

Yesuusi tenne umi maalale loosinohu Galiilu gobbara Qaana Katamiraati. Kunni garinni ayirrinyesi leellishi; rosaanosino ammantusi.

YOHAANNISI 2:23

Agure Sa"ate Ayyaani yannara Yesuusi Yerusaalamete assino maalale lae lowo manni ammanisi.

YOHAANNISI 20:30

Yesuusi tenne borro giddo borreessinoonnikkita wole lowo maalale rosaanosi affanna loosino.

YOHAANNISI 3:2

Kuni manchi hashsha Yesuusiwa daye, «Rosiisaancho'ya, Maganu ledo hee'ra hoogiro tenne ati assatto maalale asse afannohu mittuno dino. Kunnira, ati Maganuwiinni dayotto rosiisaancho ikkoottota anfoommo» yii.

YOHAANNISI 6:14

Mannuno Yesuusi loosino dhagge lae, «Halaalintanni kuni tenne gobba daanno himanaanchooti» yii.

YOHAANNISI 6:22

Layinki soodo baara widoonni gatino manni, mitte yowolo calla noota afe, Yesuusi rosaano calluwinsa hadhinotanna Yesuusi ledonsa yowolote giddo nookkita buuxi.

YOHAANNISI 6:26

Yesuusi qole, «Halaale yeemmo'nena, hassinanni heedhinoonniehu sagale ittine duubbinoonnihuraati ikkinnina maalale la'inoonni daafira di"ikkino.

YOHAANNISI 6:30

Insano, «Loosoottore la'ne ate ammanneemmohe gede ma malaate leellishattonke? Ma loosatto?