YOHAANNISI 5:44 - Qullaawa Maxaafa

⁴⁴ Ki'ne mimmiti'newiinni ayirrinye hasidhinanniri, mitto calla ikkino Maganiwiinni afi'nanni ayirrinye kayinni hasidhinannikkiri, ane hiitto ikkitine ammantinannie?

YOHAANNISI 5:44 ပူးပေါင်းရင်းမြစ်များ

LAYINKI DUDUWO 6:8

Kaaliiqi kayinni, ‹Su'ma'ya ayirrinsanni mine minate hedakki danchate;

ERMIYAASI 13:23

Halaalinta Itiyophiyichu danasi, woy dagunchu muraamurrimmasi soorri'ra dandaannoni? Ki'neno rossinoonni bunshe agurranna, danchumma assitine affinannini?

MAATEWOOSI 23:5

Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno.

LUQAASI 19:17

Mootichisi, ‹Ati danchu soqqamaanchi, dancha coye assootto. Shiimurira ammanamootto daafira, ani qole tonnu katami gashshaancho assoommohe› yiisi.

YOHAANNISI 12:43

Tenne gibbinohu, Maganunkunni roore mannu jajansara hasidhinohuraati.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

YOHAANNISI 3:20

Busha looso loosannohu baalu xawaabba giwanno. Bushu loosisi leellannota afe, xawaabbunniwa didaanno.

YOHAANNISI 5:41

«Ani mannuwiinni ayirrinye dihasi'reemmo.

YOHAANNISI 8:43

Ani yeemmori mayira leella giwi'ne? Coyi'reemmore buuxa dandiitinannikki daafiraati.

ROOMU SOKKA 2:10

Ayihudeno ikkito, dagate dancha looso loossannore baala galantanninsa; ayirrinyenna keereno uyinanninsa.

ROOMU SOKKA 2:29

Halaalaancho Ayihudimma wodanunnite. Halaalaancho barcimano Maganu Ayyaaninni wodanu barcimaati. Muse Seeri giddo borreessinoonni garinni barcimmannita bisu barcima di"ikkitino. Hattoo mancho Magano agurranna mannu digalatannosi.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

LAYINKI QORONTOOSI 10:18

Mancho naada dandiinannihu Maganu naadisirooti ikkinnina, isi isonoo naaxxeenna di"ikkanno.

FILIPHISIYUSI SOKKA 2:3

Umo'ne roorsidhine haafu adawarshinni mittore nafa assitinoonte. Hatteentenni wolu manni ki'nenni roorinohu gede assitine hedde.

UMI TESELONQE 2:6

Ki'neno ikke, wole mannano ikko ayino jajankera dihasi'noommo.

UMI XIMOOTEWOOSI 1:17

Kunnira hegere Mootera, reyannokkihura, illete leellannokkihura, mittu Maganira ayirrinyunna galatu hegerenni hegere geeshsha iillosi! Hamii'ni.

IBIRAAWOOTA 3:12

Roduuwa'ya! Ki'ne mereero ayino heeshshote Maganiwiinni badannohu bushunna ammanannokki wodani hee'rannosikki gede qoropho.

YAIQOOBI 2:1

Roduuwa'ya! Ayirrado Mooticha Yesuusa Kiristoosa amma'nitine heedhine, ko'onne ku'unniwiinni roorsitine godowa hossinoonte.

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.

YIHUDA 1:25

callichisi Gatisaanchonke ikkino Maganira, Mootichinke Yesuusi Kiristoosi widoonni qole bi're hundinni kayise hegere hegerera ayirrinyunna jawimma, wolqanna roorre ikkitosi! Hamii'ni!

UMI SAAMUEELI 15:30

Saaoolino daware, «Cubbo loosa'ya halaaleho. Ikkirino ballo, manni'ya sooreeyyenna Israeelete manni baalu albaanni shollishshootie; Maganokki Kaaliiqa magansi'reemmona ledo'ya kai» yii.

UMI SAAMUEELI 2:30

« ‹Ani Israeelete Magani Kaaliiqi, minikkinna ilamakki hegerera soqqantannoe yee hexxoommo. Xa kayinni dihasi'reemmo'ne. Ani ayirrissannoere ayirriseemmo; mishshannoerino mishantanno.