YOHAANNISI 5:40 - Qullaawa Maxaafa

⁴⁰ Ikkollana, ki'ne heeshsho afidhinara anewa didagginanni.

YOHAANNISI 5:40 ပူးပေါင်းရင်းမြစ်များ

FAARSO 81:11

«Manni'ya kayinni qaale'ya dimacciishshino; Israeeleno dihajajantinoe.

ISAYAASI 49:7

«Daga mishshinohehuranna gibbinohehura, gashshaanote soqqamaancho ikkoottohura atera, ani gatisaanchu Israeelete Qullaawi Kaaliiqi yeemmore macciishshi: Ani Maganikki Kaaliiqi assoommohere affe, mootoolla ate ayirrisse ofoltinowiinni ka'anno; gashshaanono ate ayirrisse umo heeshshi yitanno» yii.

ISAYAASI 50:2

Dayummo woyite ki'ne dargaho mayira hooggini? Woshshummo yannara yee yaannohu mayira hoogi? Ani gatisa didandeemmoho? Gatisate wolqa dinoeni? Ani rufummoro baaru moolanno; ha'ranno waa moola baattora soorreemmo; qulxu'mu waa hooge ree bowanno gede asseemmo.

MAATEWOOSI 22:3

Moote woshshinoonni manni jilaho daanno gede qaagiissitara soqqamaanosi insawa soyi. Mannu kayinni jilasi daa dihasi'rino.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

YOHAANNISI 1:11

Isi isiriwa dayino; isiri kayinni dihaadhinosi.

YOHAANNISI 10:10

Mooraanchu moorara, shaaranna hunaralla daanno. Ani kayinni, heeshsho afidharanna heeshshonsano hala'litara yee dayommo.

YOHAANNISI 3:19

Yinoonni yoono: Xawaabbu tenne alame dayino; mannu kayinni loosisi busha ikkinohura xawaabbunkunni roore tunsicho baxino.

YOHAANNISI 5:39

Ki'ne Qullaawa Borro la"atenni hegere heeshsho afi'nanniha laweenna'ne, wo'manka woyite ise la'inanni. Hatti Qullaawa Borro kayinni anere farcidhannote.

YOHAANNISI 5:41

«Ani mannuwiinni ayirrinye dihasi'reemmo.

YOHAANNISI 5:44

Ki'ne mimmiti'newiinni ayirrinye hasidhinanniri, mitto calla ikkino Maganiwiinni afi'nanni ayirrinye kayinni hasidhinannikkiri, ane hiitto ikkitine ammantinannie?

YOHAANNISI 6:27

Ba'anno sagalera loosidhinoonte! Maganu Annu konne coye buuxisate Beettisi aana sumude worino daafira, Maganu Beetti aanno'netera hegere heeshshotera loosidhe» yiinsa.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

YOHAANNISI 6:40

Anni'ya hedo, Beettisi widira la"annohunna Beettosi ammanannohu baalu hegere heeshsho afi'ranno gedeeti. Anino goofimarchu barra kayiseemmosi» yii.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.