YOHAANNISI 5:30 - Qullaawa Maxaafa

³⁰ Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote.

YOHAANNISI 5:30 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

FAARSO 96:13

Kaaliiqi baattote aana yoo yaara daanno; manna baalaho taalonna halaalaancho yoo yaanno.

ISAYAASI 28:6

Yoo yitannorira coye taashshate hayyo aannonsa. Katamu huxxi waalcho agartannorirano wolqa ikkannonsa.

SOFFOONIYAASI 3:15

Ki'ne aana abboommo qoricha aguroommo; diinna'neno hooloommo. Ani Israeelete moote Kaaliiqi, mereero'ne noommo daafira, kunni ka'a waajjishanno'nehu bushu coyino dihee'ranno» yii.

MAATEWOOSI 26:39

Insawiinni alba hige shiqqi yee, uulla uwe, «Anna'ya, dandaamannoha ikkiro, kuni qarri anewiinni saona! Kayinnilla, ate hedo gede ikko ikkinnina ane hedo gede ikkoonke» yii.

YOHAANNISI 14:10

Ani Anni'yanni noommota, Anni'yano anenni noota diammanootto? Ki'nera kuleemmo qaale ani umi'yanni dicoyi'reemmo. Baalanka looso anenni hee'rannohu Anni'ya loosanno.

YOHAANNISI 17:4

Ati oottoe looso guute baattote aana ayirrisoommohe.

YOHAANNISI 18:11

Yesuusi kayinni, «Bisekki kou giddora qoli. Anni'ya uyinoehunni qarru finiinchinni ageemmokkiha lawinohe?» yii.

YOHAANNISI 4:34

Yesuusi qole, «Ane sagale soyinoehu haja wonshatenna loososi guutate.

YOHAANNISI 5:19

Yesuusino, «Halaale kuleemmo'nena, Annu loosanna afinore ikkinnina Beettu umisi roorrenni assannori dino. Annu loosannore Beettuno loosanno.

YOHAANNISI 6:38

Ani gordunni dayommohu soyinoehu hedinore wonshammoraati ikkinnina, umi'ya hedo wonshate di"ikkino.

YOHAANNISI 8:28

Kunnira Yesuusi, «Manchi Beetto suttinanni woyite Ani Ane ikkoommota affinanni. Anni'ya rosiisinoere ikkinnina, ani umi'ya wolqanni mittoreno asseemmokkita hatte yannara buuxxinanni.

YOHAANNISI 8:42

Yesuusi lede, «Maganu Anna'ne ikkoommero, ane baxxinannie; ani Maganuwiinni daye konne noommo. Soyinoehuno isooti ikkinnina, ani umi'ya roorrenni didayommo.

YOHAANNISI 8:50

Ani umi'ya ayirrinye dihasi'reemmo; ayirrinyu hasiisannosihunna yoo yaannohu kayinni mittu no.

ROOMU SOKKA 15:3

Kiristoosi isonoo dihagiirsiisino. Kuni ikkinohu, «Xontannoheri xonono, aana'ya ubbino» yine borreessinoonni gedeeti.

ROOMU SOKKA 2:2

Maganu hattoo coye assitannore qorichishasi gara ikkitinota egenninoommo.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.