YOHAANNISI 5:26 - Qullaawa Maxaafa

²⁶ Annu giddo heeshsho noonte gede, Beettu giddono heeshsho heedhanno gede assino.

YOHAANNISI 5:26 ပူးပေါင်းရင်းမြစ်များ

FAARSO 36:9

Ati heeshshote buichootina, xawaabbikkinni xawaabba la'neemmo.

FAARSO 90:2

Ilaalla kalaqantara albaanni, baattono safantara albaanni, hegere hegerera ati Maganoho.

FULO 3:14

Maganuno qole, «Ani noommohonna hee'reemmo Maganooti; kunnira atino, ‹Soyinoehu su'mi, «ANI ANEETI» yiino yite kulinsa› yii.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

YOHAANNISI 1:4

Isi giddo heeshsho no; hatti heeshshono mannu xawaabbaati.

YOHAANNISI 10:18

Lubbo'ya ani baxe eemmo ikkinnina, anewiinni ayino diadhanno. Lubbo'ya aateno qole adhateno wolqa nooe. Tenne hajajo Anni'yawiinni adhoommo» yii.

YOHAANNISI 11:25

Yesuusino, «Kaonna heeshsho aneeti; ane ammanannohu reyiro nafa lubbotenni hee'ranno.

YOHAANNISI 11:26

Hee'rannohunna ane ammanannohu baalu hegerera direyanno. Konne coye ammanatta?» yiise.

YOHAANNISI 14:19

Shiima yanna gedensaanni tini gobba diaffannoe; ki'ne kayinni affinannie. Ani heeshshonniha ikkoommo daafira, ki'neno lubbotenni heedhinanni.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 4:10

Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 6:57

Heeshshonnihu Annu soyinoe garinni, anino isinni heeshshonniha ikkoommonte gede, maala'ya itannohu baalu anenni heeshshonniha ikkanno.

YOHAANNISI 8:51

Halaale kuleemmo'nena, qaale'ya agadhannohu horonta direyanno» yiinsa.

SOQQAMAASINETE LOOSO 17:25

Heeshshonna foole, qoleno wolere manna baalaho aannohu iso ikkinohura, mittoreno diqarramanno. Mannu kaa'lono dihasi'ranno.

UMI QORONTOOSI 15:45

Kunnira Maganu qaali, «Umi manchi Addaami lubbotenni hee'ranno kalaqama ikkino» yaanno. Gedensiidi Addaami kayinni heeshsho aanno Ayyaana ikkino.

UMI XIMOOTEWOOSI 1:17

Kunnira hegere Mootera, reyannokkihura, illete leellannokkihura, mittu Maganira ayirrinyunna galatu hegerenni hegere geeshsha iillosi! Hamii'ni.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

YOHAANNIS AJUUJA 21:6

Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.