YOHAANNISI 5:24 - Qullaawa Maxaafa

²⁴ Halaale kuleemmo'nena, qaale'ya macciishshitannoriranna soyinoeha amma'nitannorira hegere heeshsho noonsa. Reyotenni heeshshote widira sa'anno ikkinnina busha yoo diyinanninsa.

YOHAANNISI 5:24 ပူးပေါင်းရင်းမြစ်များ

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MAARQOOSI 16:16

Amma'ninohunna cuuaminohu gatanno. Amma'ninokkihura kayinni reyote yoo yinannisi.

YOHAANNISI 11:26

Hee'rannohunna ane ammanannohu baalu hegerera direyanno. Konne coye ammanatta?» yiise.

YOHAANNISI 12:44

Yesuusi qoonqosi naggi asse, «Ane amma'nannohu, diane callana soyinoehano amma'nanno.

YOHAANNISI 20:31

Ikkirono, Yesuusi Kiristoosi Maganu Beetto ikkinota ammantinanni gedenna ammantine isi su'minni hegere heeshsho afidhinanni gede konne borreessinoonni.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

YOHAANNISI 3:18

Iso amma'nannohura busha yoo diyinannisi; iso amma'nannokkihura kayinni mitto Maganu Beetto amma'nannokki daafira busha yoo yineennasi no.

YOHAANNISI 3:36

Beettosi amma'ninohura hegere heeshsho noosi. Beettosi amma'ninokkihura kayinni, Maganu hanqi aanasi hee'ranno ikkinnina heeshsho diafi'ranno» yii.

YOHAANNISI 4:36

Gide mixxannohu hunkiisi guma gudhanno; hegere heeshshora ikkanno laalcho gamba assi'ranno. Wixi'rannohunna mixxannohu mitteenni hagiidhanno.

YOHAANNISI 6:40

Anni'ya hedo, Beettisi widira la"annohunna Beettosi ammanannohu baalu hegere heeshsho afi'ranno gedeeti. Anino goofimarchu barra kayiseemmosi» yii.

YOHAANNISI 6:47

Halaale kuleemmo'ne; ammanannohura hegere heeshsho noosi.

YOHAANNISI 6:50

Gordunni dirritino sagale tenneeti; tenne sagale itannohu horontanni direyanno.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

YOHAANNISI 6:58

Kunnira gordunni dirritino sagale tenneeti; tini sagale annuwa'ne ittute gedeeta di"ikkitino. Hatte sagale itturi reyitino. Tenne sagale ittannori kayinni hegerera heedhanno» yii.

YOHAANNISI 8:51

Halaale kuleemmo'nena, qaale'ya agadhannohu horonta direyanno» yiinsa.

ROOMU SOKKA 8:1

Kiristoosi Yesuusinni noorira xaate qorichu yoo diyinanninsa.

UMI TESELONQE 5:9

Maganu hanqoho ikkikkinni, Mootichinke Yesuusi Kiristoosi widoonni hinge gato afi'nammora woshshinonke.

UMI PHEEXIROOSI 1:21

Ammana'nenna hexxo'ne Maganunni ikkitanno gede, Yesuusi widoonni amma'nitinoonnihanna iso reyotenni kayise ayirrinye uyinosi Magano addaxxe.

UMI PHEEXIROOSI 1:5

Ki'neno goofimarchu barra xawo fultara noo gato adhitinanni gede, ammanate widoonni Maganu wolqanni agarantinoonni.

UMI YOHAANNISI 3:14

Ninke roduuwanke banxeemmo daafira, reyotenni heeshshote widira sa'noommota egenninoommo; baxillu noosikkihu reyote giddo hee'ranno.

UMI YOHAANNISI 5:1

Yesuusi, Buuramino Moote ikkinota ammanannohu baalu, Maganu ilaati; anna baxannohu baalu beettono baxanno.