YOHAANNISI 5:20 - Qullaawa Maxaafa

²⁰ Annu Beetto baxanno; loosannore baalano leellishannosi. Ki'ne dhagge assidhinanni gede, konne roorino coyeno leellishannosi.

YOHAANNISI 5:20 ပူးပေါင်းရင်းမြစ်များ

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

MAATEWOOSI 17:5

Pheexiroosi hatto yee coyi'ranni hee'reenna, xawanno gomichi daye golinsa; gomichu giddonni, «Hagiirsiisannoehu, baxeemmohu Beetti'ya konneeti; isi yaannota macciishshe!» yitanno huuro daggu.

MAATEWOOSI 3:17

Hakkawoyintenni, «Hagiirsiisannoehu baxeemmo Beetti'ya isooti» yitanno huuro gordunni daggu.

MAATEWOOSI 4:8

Sheexaanu lede Yesuusa lowo geeshsha seedu ilaali iimira haa're fushshe, alamete gashshooti ayirrinye baala leellishe,

LUQAASI 10:22

«Wo'manka coye Anni'ya uyinoe. Beettu ayetiro Anna agurranna afinohu mittuno dino. Beetto agurranna woy Beettu xawise kulinosiha agurranna Anna afannohu mittuno dino» yii.

YOHAANNISI 1:18

Magano lae egenninohu ayino dino; ikkollana Magano ikkinohu Annu qote noohu mittu Beettisi egensiisinosi.

YOHAANNISI 10:32

Yesuusino, «Anni'ya uyinoeha lowoha dancha looso ki'ne la'inanna loosoommo. Kinnatenni gantinaera ka'inihu hiikko loosi daafiraati?» yii.

YOHAANNISI 14:12

Halaale kuleemmo'nena, ane ammaninohu ani looseemmo looso loosanno; hakkiinni saino looso nafa loosanno. Hatto loosa dandaannohu, ani Anni'yawa ha'reemmo daafiraati.

YOHAANNISI 15:15

Faantichu mootichu assannore afannokki daafira, kunni ka'a ki'ne faantootaho diyeemmo'ne. Anni'yawiinni macciishshoommore baala kuloommo'ne daafira, jaalla'ya yoommo'ne.

YOHAANNISI 17:26

Ati ane baxootto baxilli insawa hee'raranna anino insawa hee'reemmo. Insano ate egentara assoommo. Egentanno gede assa diagureemmo» yii.

YOHAANNISI 3:35

Annu Beettosi baxanno; wo'mankareno angasi worino.

YOHAANNISI 5:21

Annu reyitinore kayise heeshsho aannonte gede, Beettuno baxinohura heeshsho aanno.

YOHAANNISI 5:25

«Halaale kuleemmo'nena, reyino manni Maganu Beetti qaale macciishshanno yanna dagganno; hatti yannano xaati. Macciishshitannori baalu lubbotenni heedhanno.

YOHAANNISI 5:29

Dancha loossinori reyotenni ka'e lubbotenni heedhanno; busha loossinori kayinni reyotenni ka'eenna, busha yoo yinanninsa» yii.

LAYINKI PHEEXIROOSI 1:17

«Baxeemmohu beetti'ya konneeti; isi yaannota macciishshe» yitanno huuro jawu ayirrinyisiwiinni daggusi yannara, ayirrinyenna gaacheena adhino.