YOHAANNISI 5:19 - Qullaawa Maxaafa

¹⁹ Yesuusino, «Halaale kuleemmo'nena, Annu loosanna afinore ikkinnina Beettu umisi roorrenni assannori dino. Annu loosannore Beettuno loosanno.

YOHAANNISI 5:19 ပူးပေါင်းရင်းမြစ်များ

KALAQAMA 1:1

Maganu umo asse gordonna baatto kalaqino.

KALAQAMA 1:26

Hakkunni gedensaanni Maganu, «Manna daninkenninna suudinkenni kalanqo; mannuno baaru giddo hee'ranno qulxu'me, iima buubbanno cea, saadatenna baattote aana godowunni ha'ranno kalaqama, hattono baatto baala gashshona» yii.

FAARSO 138:3

Woshshi'rummohe yannara yee yoottoe; jawaantekkinni jawaachishoottoe.

FAARSO 27:14

Kaaliiqa hexxi; jawaati; wodanikkino kaajjo; Kaaliiqa hexxi.

FAARSO 50:6

Maganu yoo yaannoha ikkino daafira, gorduno halaalaanchimmasi farchi'ranno.

FULO 4:11

Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo?

LAWISHSHA 2:6

Egenno aannohu Kaaliiqaati; egennonna buuxa daggannohu isiwiinniiti.

ISAYAASI 44:24

Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.

ISAYAASI 45:24

Mannuno, ‹Keeraanchimmanna wolqa Kaaliiqiwa no› yee coyi'ranno; gibbannoeri baalu anewa dagge saalfattanno.

ERMIYAASI 17:10

«Ani Kaaliiqi kayinni, mannaho ha'rinshosinna qaafosi garinni loosisita aate, mannunniha wodananna, hedosi baala fonqole laeemmo.

MAATEWOOSI 26:39

Insawiinni alba hige shiqqi yee, uulla uwe, «Anna'ya, dandaamannoha ikkiro, kuni qarri anewiinni saona! Kayinnilla, ate hedo gede ikko ikkinnina ane hedo gede ikkoonke» yii.

LUQAASI 21:15

Ani, baarigaarra'ne garta'nera dandiitannokki hayyonna egenno eemmo'nena.

YOHAANNISI 10:18

Lubbo'ya ani baxe eemmo ikkinnina, anewiinni ayino diadhanno. Lubbo'ya aateno qole adhateno wolqa nooe. Tenne hajajo Anni'yawiinni adhoommo» yii.

YOHAANNISI 12:49

Ani umi'ya roorrenni dicoyi'roommo. Coyi'reemmorenna coyi'reemmo gara hajajinoehu soyinoe Annaati.

YOHAANNISI 12:50

Isi hajajo hegere heeshsho ikkitinota egennoommo. Kunnira ani Anni'ya kulinoere coyi'reemmo» yii.

YOHAANNISI 14:10

Ani Anni'yanni noommota, Anni'yano anenni noota diammanootto? Ki'nera kuleemmo qaale ani umi'yanni dicoyi'reemmo. Baalanka looso anenni hee'rannohu Anni'ya loosanno.

YOHAANNISI 2:19

Yesuusino, «Konne Qullaawa Mine diiggineenna, ani sasu barri giddo qole mineemmona» yiinsa.

YOHAANNISI 3:3

Yesuusino qole, «Halaale kuleemmohena, mannu layinkimeeshsho ilama hoogiro Maganu gashshoote la"a didandaanno» yiisi.

YOHAANNISI 5:21

Annu reyitinore kayise heeshsho aannonte gede, Beettuno baxinohura heeshsho aanno.

YOHAANNISI 6:38

Ani gordunni dayommohu soyinoehu hedinore wonshammoraati ikkinnina, umi'ya hedo wonshate di"ikkino.

YOHAANNISI 8:28

Kunnira Yesuusi, «Manchi Beetto suttinanni woyite Ani Ane ikkoommota affinanni. Anni'ya rosiisinoere ikkinnina, ani umi'ya wolqanni mittoreno asseemmokkita hatte yannara buuxxinanni.

YOHAANNISI 9:4

Barru hee'reenna soyinoehu looso loosa hasiissannoe. Ayino loosa dandaannokkihu hashshu daanno.

SOQQAMAASINETE LOOSO 2:24

Maganu kayinni reyote wolqa hune reyotenni kayisinosi. Kunnira reyo amadde hooltasira didandiitino.

ROOMU SOKKA 6:4

Cuuamatenni isi ledo waamammummo yannara, isi reyo beeqqinoommo. Kunnira, Kiristoosi Annu ayirrinyinni reyotenni kainte gede, ninkeno haaro heeshsho hee'neemmo.

ROOMU SOKKA 8:11

Yesuusa reyotenni kayisinohu Maganu Ayyaani giddo'ne hee'riro, Kiristoosa reyotenni kayisi Magani giddo'ne noohu Ayyaanisi widoonni hige reyanno maali'nera heeshsho aanno.

UMI QORONTOOSI 15:12

Kiristoosi reyotenni kainota rosiinsanna, ki'ne giddonni mitu mitu, «Reyotenni ka"a dino» hiitto yitanno?

LAYINKI QORONTOOSI 4:14

Mooticha Yesuusa reyotenni kayisino Magani ninkeno Yesuusi ledo kayise ki'ne ledo albisira shiqishannonketa egenninoommo.

LAYINKI QORONTOOSI 5:10

Mittu mittunku maalunni hee're loosinoha dancha woy busha loosisi guma adhate, baalunku Kiristoosi barcimi yoonnihu albira shinqeemmo.

EFESOONI SOKKA 2:5

saonkenni kainohunni reyine hee'neenna, Kiristoosi ledo heeshsho uyinonke. Ki'neno gattinoonnihu eltosinniiti.

EFESOONI SOKKA 3:16

Maganu ayirrinyisi jironni Ayyaanisi wolqa widoonni qole giddoyidi mannimma'ne jawaachishanno gede huucci'reemmo.

FILIPHISIYUSI SOKKA 3:21

Isi tenne reyitanno mannimmanke soorre, isita ayirrado mannimma labbanno gede assanno. Hatto assannohuno, wo'manka roorresinni gashshate noosi wolqanniiti.

FILIPHISIYUSI SOKKA 4:13

Wolqa aannoehunni Kiristoosinni baalankare assa dandeemmo.

QOLASIYAASI SOKKA 1:11

Mootichu jawa wolqasinni jawaantesi baala oo'ne. Cincatenni baalanka coye dandaate hagiirrunni qixxaabbinoonnire asso'ne.

QOLASIYAASI SOKKA 1:16

Gordohonna baattote aana noore illete leeltannorenna leeltannokkire wolqaataamma, mootoolla, gashshaanonna roorroota baala kalaqinohu isooti. Maganu baalanka coye kalaqinohu isinniiti; qoleno isiraati.

UMI TESELONQE 4:14

Yesuusi reyinotanna reyotenni kainota ammannoommo. Kunnira Yesuusa ammante heedhe reyitinore Maganu Isi ledo haa're abbannonsa.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.