YOHAANNISI 4:9 - Qullaawa Maxaafa

⁹ Samaaritte Yesuusa, «Ati Ayihudicha ikkite heedhe, ane Samaaritte, ‹Ageemmo waa uyie› hiitto yaatto?» yitu. Hatto yitinohu Ayihudenna Samaarootu xaado afidhinokki daafiraati.

YOHAANNISI 4:9 ပူးပေါင်းရင်းမြစ်များ

MAATEWOOSI 10:5

Yesuusi kore tonaa lamenka rosaano, «Daganniwa hadhinoonte; Samaarootu katamano e'inoonte.

LUQAASI 10:33

Mittu Samaarichi kayinni hatte doogo hige ha'ranni kunni manchiwa dayino. Manchono lae mararinosi.

YOHAANNISI 4:27

Hakko mereero, Yesuusi rosaano hadhinowiinni daggu. Yesuusi meyate ledo hasaawanna affe lowo geeshsha dhaggeeffattu. Ikkollana, «Ma hasi'rootto?» woy, «Ise ledo mayira hasaawatto?» yiinosihu dino.

YOHAANNISI 8:48

Ayihudootu, «Ati Samaarichaho; durriisuno noohe yaankera ninke digaraho?» yitu.

SOQQAMAASINETE LOOSO 1:8

Ikkollana Qullaawu Ayyaani ki'ne aana dirranno yannara wolqa adhitinanni. Hakka woyite Yerusaalamete, Yihuda baalaho, Samaariyahonna gobbate qacce geeshsha naqaashshe'ya ikkitinanni» yiinsa.

SOQQAMAASINETE LOOSO 10:28

Pheexiroosi mannaho, «Ayihudete ilama ikkinohu wolu manni ledo hosannota amma'nonke garinni seeru hoolannota ki'nenni affinoonni. Maganu kayinni ayeno lagaawinoho woy battaawinoho yeemmokki gede leellishinoe.

SOQQAMAASINETE LOOSO 10:32

Kunnira Iyophe manna sokke Pheexiroosi yinanniha Simiooni woshshi'ri. Isi baaru mule goga duugannohu Simiooni mine wosinchimma ofolle no› yiinoe.