YOHAANNISI 4:36 - Qullaawa Maxaafa

³⁶ Gide mixxannohu hunkiisi guma gudhanno; hegere heeshshora ikkanno laalcho gamba assi'ranno. Wixi'rannohunna mixxannohu mitteenni hagiidhanno.

YOHAANNISI 4:36 ပူးပေါင်းရင်းမြစ်များ

LAWISHSHA 11:18

Busha mancho gamba assi'rannori dikaa'lannosi; keeraanchu kayinni halaalu woxe afi'ranno.

LAWISHSHA 11:30

Keeraanchimma heeshsho uyitanno; haxawarrimma kayinni barra haransitanno.

DAANIEELI 12:3

Hatte yannara egennaammu gordu xawaabbi gede xabbanno; lowo manna rosiisse halaalu widira qoltannori baalu hegerera gordu beeddahe gede warri yite xabbanno» yii.

MAATEWOOSI 19:29

Ane daafira yee minna woy labbaa roduuwa woy meyaa roduuwa woy ama woy anna woy ooso woy gate agurannohu baalu xibbe ero adhanno; hegere heeshshono afi'ranno.

YOHAANNISI 3:36

Beettosi amma'ninohura hegere heeshsho noosi. Beettosi amma'ninokkihura kayinni, Maganu hanqi aanasi hee'ranno ikkinnina heeshsho diafi'ranno» yii.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 5:24

Halaale kuleemmo'nena, qaale'ya macciishshitannoriranna soyinoeha amma'nitannorira hegere heeshsho noonsa. Reyotenni heeshshote widira sa'anno ikkinnina busha yoo diyinanninsa.

ROOMU SOKKA 1:13

Roduuwa'ya, wole daga rosiise giddonsanni lowo ammanaasine afi'roommo. Ki'ne mereerinnino ammanaano afi'rate hasi'roommo. Ikkollana, ki'newa daate batinye hige hedeenna injaa hoogeennae gatoommota affinara hasi'reemmo.

ROOMU SOKKA 2:7

Dancha looso jaatte loosatenni galata, ayirrinyenna ba'annokki heeshsho hasidhannorira, Maganu hegere heeshsho aannonsa.

ROOMU SOKKA 6:22

Xa kayinni cubbuwiinni wolaphitine Maganu borojje ikkitinoonnihura qullaawootaho; qullaawa heeshsho gawalono hegere heeshshooti.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

UMI QORONTOOSI 9:17

Dancha Duduwo gadadinsiekkinni kulummoro, ba'raa'ra agadheemmo. Gadadinseennae kuleemmoha ikkiro kayinni, yinoonni wogalla wonshanni noommo yaate.

UMI QORONTOOSI 9:18

Hatto ikkiro daafuri'ya gumi maatiyya? Dancha Duduwo kuleemmo woyite, hasiisannoere adhummokkinni calla kulate.

UMI TESELONQE 2:19

Mootichinke Yesuusi Kiristoosi daanno yannara albasiinni ayirrineemmoti hexxonke, woy hagiirrinke woy qeellete worraaqqanke diki'neeti?

UMI XIMOOTEWOOSI 4:16

Ateneenna rosiisatto roso seekkite agadhi; konne coye jaatte assi. Hatto assittoro, ateneenna macciishshitannohere gatisatto.