YOHAANNISI 4:23 - Qullaawa Maxaafa

²³ Magano Anna ayyaanunninna halaalunni magansidhannorira yanna dagganni no; kune xaanni dagge no; Maganu Annu hasi'rannorino hattoonni magansidhannoreeti.

YOHAANNISI 4:23 ပူးပေါင်းရင်းမြစ်များ

UMI DUDUWO 29:17

Ati mannu baalunku wodana fonqolte la'e, ammanamino manninni hagiidhattota afoommo. Konne baala atera baxe oommohehu, halaalunniitinna taalotenniiti. Qoleno konne gamba yee noohu mannikki atera afansha aatenni lowo geeshsha hagiidhinota afoommo.

FAARSO 147:11

Isi ayirrissannosirinninna, bagamannokki baxillesi addaxxitannorinni hagiidhanno.

FAARSO 17:1

Kaaliiqa ballo, keeraanchu wodaninni shiqishi'reemmota eeggo'ya, xagarro nookki afiinni fultannota huuccatto'ya macciishshie.

FAARSO 32:2

Kaaliiqi hunasi kiirannosikkihu, awaawura egenninokki manchi ba'raa'rinoho.

FAARSO 51:6

Ati halaalenna sumbe baxatto; wodani'yara egennokki wonshie.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

FAARSO ROORE FAARSO 2:14

Ati boonu qarra maaxantino lemboolcho gedeeti; albikki xumahona, mitte hige laoyya! Huurokki baxissannotena, mitte hige macciishshoyya!» yaannoe.

ISAYAASI 10:20

Hakka waro Yaiqoobi mininni gattinori Israeelete taraare, gawajjitinonsare Asooroota agurte Israeelete Qullaawa ikkinoha Kaaliiqa addaxxitanno.

ISAYAASI 29:13

Mootichu, «Tini gosa afuunni ayirrissannoe; wodanunni kayinni anewiinni faffe no. Magansidhannoehuno mannu woga wonshateeti.

ISAYAASI 58:2

Insa kayinni barru barrunkunni hasidhannoe; doogo'ya afate halchitanno. Halaale loosino manninna, Maganinsa seera agurtinokkiri gede, halaalaancho yoo xa'midhannoe; ane Maganinsawa shiqqi yaa baxxanno» yii.

ERMIYAASI 3:10

Konne baala assituhu gedensaanni dogaancho Israeelete rodoo Yihudu, galagalte anewa higginohu digodowinniitina goowi alinniiti. Konne coye coyi'roommohu ani Kaaliiqaati» yiie.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

HIZIQEELI 22:30

Hanqi'yanni gobba hunate albaanni, kinchu huxxa huxxannohanna diigantino huxxuwa mule uurre gargarannoha hasi'reemmo; xaa geeshsha kayinni mittono diafi'roommo.

YOHAANNISI 1:17

Seera Muse widoonni qolle uyinoonni; eltonna halaalu kayinni Yesuusi Kiristoosi widoonni hige dayino.

YOHAANNISI 12:23

Yesuusino, «Manchi Beetti ayirrinyunniwa eanno yanna iillitino.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

YOHAANNISI 16:32

Mittu mittunkunni billaallitine ane calla'ya agurtinannie yanna dagganno. Kune iillitino. Ikkollana Anni'ya ledo'ya noo daafira callicho'ya di"ikkoommo.

YOHAANNISI 4:21

Yesuusi qole, «Tee mancho, Magano Anna kunni ilaali aana woy Yerusaalamete magansidhinannikki yanna daggannota ammanie.

YOHAANNISI 5:25

«Halaale kuleemmo'nena, reyino manni Maganu Beetti qaale macciishshanno yanna dagganno; hatti yannano xaati. Macciishshitannori baalu lubbotenni heedhanno.

YOHAANNISI 5:28

Kunnira, waammate giddo noori huurosi macciishshitanno yanna daggannona, maala'litinoonte.

ROOMU SOKKA 1:9

Wo'manka woyite huuccatto'yanni qaageemmo'netera, Beettisiha Dancha Duduwo kulanni wo'mu wodani'yanni soqqameemmosi Magani naqaashshe'yaati.

ROOMU SOKKA 8:15

Kunnira, «Anna Annaanna» yitine woshshidhinanniha oosichimmate Ayyaana adhitinoonni ikkinnina, galagaltine waajjatenni heedhinanni gede borojjimmate ayyaana diadhitinoonni.

ROOMU SOKKA 8:26

Huucci'nanni gara egenninoommokki daafira, wolqa hoogankera Qullaawu Ayyaani kaa'lannonke. Qullaawu Ayyaanino, kulle dandiineemmokki hinciiccamanni ninke afoo ikke huuccannonke.

GALATIYU SOKKA 4:6

Ooso ikkinoommo daafira Maganu, «Annaanna» yine woshshi'neemmoha Beettisi Ayyaana wodaninke giddora soyino.

EFESOONI SOKKA 6:18

Wo'manka woyite hasiisanno coyi baalaho, Qullaawu Ayyaaninni huuccidhe. Hakko garinni qullaawu manni baalahono jaattine huuccensa.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

IYYAASU 24:14

Iyyaasu lede, «Xa Kaaliiqa ayirrissesi; co'o yitino sumbenninna ammanamatenni soqqammesi. Akaakka'ne Mesiphexoomiyahonna Gibitsete magansidhinota wole maganna huntine, Kaaliiqa calla magansidhe.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

UMI SAAMUEELI 12:24

Ki'ne Kaaliiqalla waajje; co'o yiino wodaninni ammanamatenni soqqammesi. Assino'ne dhagge baala habbinoonte.