YOHAANNISI 4:22 - Qullaawa Maxaafa

²² Ki'ne affinoonnikki magano magansidhinanni; ninke kayinni gato Yihudunni fultanno daafira, anfoommo Magano magansi'neemmo.

YOHAANNISI 4:22 ပူးပေါင်းရင်းမြစ်များ

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

IZIRA 4:2

Zerubaabeeliwanna gosate sooreeyyewa dagge, «Ninkeno ki'nente gede Magano'ne magansi'neemmoreeti. Asoori moote Asiraadooni kawiira abbinkenkunni kayinse isira kakkallanni hee'noommo. Kunni daafira looso kaa'lineemmo'ne» yitunsa.

FAARSO 147:19

Qaalesi mannaho, wogasinna hajajosi Israeelete aanno.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 12:6

Ledo'ne noohu Israeelete Qullaawa, lowoha ikkino daafira, Tsiyooni heedhinanniri baalu ilillisse!» yitine faarsitinanni.

ISAYAASI 2:3

Kunnira lowo manni, «Seeru Tsiyooninni, Kaaliiqi qaalino Yerusaalametenni fulannona, amme Kaaliiqi Ilaala fullona. Qullaawu Yaiqoobi Magani Minira ha'nona; isino hedinore kulannonke; ninkeno isi doogo hinge ha'neemmo» yaanno.

ISAYAASI 46:13

Keeraanchimma'ya abbanni noommo; barruno dixeerti'rino; gatisaanchimma'yano difaffino. Yerusaalameno gatiseemmo; Israeeleteno ayirrinye'ya uddisiiseemmo» yiino.

ZAKKAARIYAASI 9:9

Tsiyooni manna, hagiidhe! Yerusaalamete manna, hagiirrunni ilillisse! Kuneeti moote'ne ki'newa daanni no; isi qeelinohonna bareedaho. Joongillunni harricho, harrichote ilmicho gulufe daanno.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

SOQQAMAASINETE LOOSO 17:23

Katama'ne gaangaawe magansidhinannire laeemmo woyite, ‹Egenninoonnikki Maganira› yine borreessinoonniha kakkalote darga afoommo. Xa kune ani affinikkinni magansidhinanni heedhini Maganire kuleemmo'ne.

SOQQAMAASINETE LOOSO 17:30

Kunni albaanni hambetenni assinoonniha Maganu agure saino; xa kayinni gobba baalate noo manni aagintaawe higanno gede hajajino.

SOQQAMAASINETE LOOSO 3:26

Maganu Soqqamaanchosi doore soyinohu balaxe ki'neraati. Hatto assinohu mittu mittunku bunshete doogonni higgineenna maassi'ra'neraati» yii.

ROOMU SOKKA 11:18

Kunnira, ki'ne daga, murantino sinna qacifattinoonte. Hatto ikkitinanniha ikkiro, duhanno'nehu rumushshoho ikkinnina, dukkinanniri ki'ne ikkitinoonnikkita affe.

IBIRAAWOOTA 7:14

Mootichinke Yihudu ga're giddo ilamasi egennantinote. Ikkirono, Muse qeesimmate daafira coyi'ranni Yihudu ga'rere mittoreno dicoyi'rino.