YOHAANNISI 4:21 - Qullaawa Maxaafa

²¹ Yesuusi qole, «Tee mancho, Magano Anna kunni ilaali aana woy Yerusaalamete magansidhinannikki yanna daggannota ammanie.

YOHAANNISI 4:21 ပူးပေါင်းရင်းမြစ်များ

ISAYAASI 66:1

Kaaliiqi, «Gordu ayirrinyu barcima'yaati; baattono lekka'yanni kaxxeemmowaati. Anera mintinannie mini hiittoohoyya? Fooliishshi'reemmo dargino hiittooho?

HIZIQEELI 14:3

«Koo manchi beetto, kuni manni wodanansa kaphu magannara uyinoha ikkinohura, kaphunniti magannansa cubbunniwa massitannonsa gede umonsa facci assite agurtino. Konne ikkina, ani xa'midhinore qoleemmonsaha lawannonsani?

HIZIQEELI 20:3

«Koo manchi beetto, ani Mootichu Kaaliiqi yeemmore kunni mannira, ‹Hedo'ya affinara dagginoonni? Ani heeshshote Magano ikka'yanni xaareemmona, mittoreno xa'mitinaera dieemmo'ne; ani Mootichu Kaaliiqi konne coye coyi'roommo.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 18:20

Lame woy sase ikkitine su'mi'yanni xaaddinanniwa ani ledo'ne hee'reemmo» yiinsa.

MAATEWOOSI 28:19

Xaate hadhine gosa baala Annu, Beettunna Qullaawu Ayyaani su'minni cuu'inanni rosaano'ya assensa.

LUQAASI 21:24

Insa giddonni lowo manna bagadu shaanno; woloota qafande addi addi gobba haa'ne ha'nanni. Dagate yanna sa'a geeshsha Yerusaalame daga kadde gashshitanno» yii.

YOHAANNISI 14:6

Yesuusi qole, «Doogono, halaaluno, heeshshono aneeti. Ane widoonni ikka hoogiro, ayino Anni'yawa daannohu dino.

YOHAANNISI 16:2

Xaadu mininni fushshite huntanno'ne; shaanno'nehu baalu Maganoho soqqamannoha lawannositi yanna dagganno.

YOHAANNISI 16:32

Mittu mittunkunni billaallitine ane calla'ya agurtinannie yanna dagganno. Kune iillitino. Ikkollana Anni'ya ledo'ya noo daafira callicho'ya di"ikkoommo.

YOHAANNISI 4:23

Magano Anna ayyaanunninna halaalunni magansidhannorira yanna dagganni no; kune xaanni dagge no; Maganu Annu hasi'rannorino hattoonni magansidhannoreeti.

YOHAANNISI 5:25

«Halaale kuleemmo'nena, reyino manni Maganu Beetti qaale macciishshanno yanna dagganno; hatti yannano xaati. Macciishshitannori baalu lubbotenni heedhanno.

YOHAANNISI 5:28

Kunnira, waammate giddo noori huurosi macciishshitanno yanna daggannona, maala'litinoonte.

SOQQAMAASINETE LOOSO 6:14

Qoleno, ‹Naaziretete Yesuusi konne Qullaawa Mine diiganno; Muse uyino Seerano soorranno› yee coyi'ranna macciishshinoommo» yitu.

EFESOONI SOKKA 2:18

Isi loosinni ninke baalunku mittu Qullaawu Ayyaani widoonni hinge Annunniwa ea dandiinoommo.

EFESOONI SOKKA 3:14

Maganu Annu albaanni guluphe huucci'reemmohu kunniraati.

UMI XIMOOTEWOOSI 2:8

Kunnira, addi addi darga noo labballi hanqonna gibbo agurte, qullaawa angansa iima qolte kayisse huuccitanno gede hasi'reemmo.

UMI PHEEXIROOSI 1:17

Ayerano godowa hosikkinni mittu mittunkura loosisi garinni yoo yaanno Magano, «Annanke» yitine woshshidhinanniha ikkiro, tenne gobbara wosinchimma heedhinoonni yannara, iso waajjitinanni heedhe.

YOHAANNIS AJUUJA 21:22

Wo'manka Dandaanno Mootichi Maganunna Ge'rechu, Qullaawa Mine ikkitinohura, katamu giddo wole qullaawa mine diafoommo.