YOHAANNISI 4:14 - Qullaawa Maxaafa

¹⁴ Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 4:14 ပူးပေါင်းရင်းမြစ်များ

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

ISAYAASI 55:1

Kaaliiqi, «Ki'ne goodhinoonniri baalu wayinniwa amme! Woxu noo'nekkiri daggine calla hidhitine itte! Daggine mittoreno uyitinikkinni, woxiweello adonna woyinete xajje hidhe.

ISAYAASI 58:11

Wo'manka woyite ani albaanni ha'reemmo'ne; moollete gobbara kassi asseemmo'ne; gogi'nera fayyimmanna jawaante eemmo. Waa hayikkinsanni baattonna, moolte egentinokki buicho gedeere ikkitinanni.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

ERMIYAASI 31:25

Daafurtinorira wolqa haaroonseemmonsa; hudidhinorira sagale duushsheemmonsa.

HIZIQEELI 47:9

Wayi ha'ranno darga baalaho addi addi saadanna batinyu qulxu'mi hee'ranno. Lolahanno wayi Reyote Baara e"e xalala assanno; ha'ranno darga baalaho heeshsho aanno.

LEEWAAWOOTA 11:36

Ikkollana, kuri giddo reyino buicho woy kofo dilagaabbanno; reeshshansa kisannori baalu kayinni lagaawanno.

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MAATEWOOSI 5:6

Keeraanchimmate daafira hudidhannorinna goodhannori ba'raadhinoreeti; kassino yitannona.

YOHAANNISI 10:10

Mooraanchu moorara, shaaranna hunaralla daanno. Ani kayinni, heeshsho afidharanna heeshshonsano hala'litara yee dayommo.

YOHAANNISI 11:26

Hee'rannohunna ane ammanannohu baalu hegerera direyanno. Konne coye ammanatta?» yiise.

YOHAANNISI 4:10

Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 4:11

Manchono, «Mooticha'ya, dirri'nanni uduunnichi dinohe; buichono giddo diimete; heeshshote waa hiikkiinni afi'ratto?

YOHAANNISI 4:13

Yesuusi qole, «Tenne buicho waa agannohu baalu galagale goo'ranno.

YOHAANNISI 4:36

Gide mixxannohu hunkiisi guma gudhanno; hegere heeshshora ikkanno laalcho gamba assi'ranno. Wixi'rannohunna mixxannohu mitteenni hagiidhanno.

YOHAANNISI 6:27

Ba'anno sagalera loosidhinoonte! Maganu Annu konne coye buuxisate Beettisi aana sumude worino daafira, Maganu Beetti aanno'netera hegere heeshshotera loosidhe» yiinsa.

YOHAANNISI 6:35

Yesuusino, «Ani heeshshote sagaleeti; anewa daannohu horonta dihudi'ranno; ane ammanannohu horonta digoo'ranno.

YOHAANNISI 6:58

Kunnira gordunni dirritino sagale tenneeti; tini sagale annuwa'ne ittute gedeeta di"ikkitino. Hatte sagale itturi reyitino. Tenne sagale ittannori kayinni hegerera heedhanno» yii.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

ROOMU SOKKA 5:21

Kuni ikkinohuno, reyote widoonni cubbu moohinonte gede, Mootichinke Yesuusi Kiristoosi loosinni hegere heeshsho afi'rate, keeraanchimmate widoonni Maganu elto mookkaraati.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

LAYINKI QORONTOOSI 1:22

Qoleno isire ikkankera sumudinonkehunna Qullaawa Ayyaana taje asse wodaninkera worinohu isooti.

EFESOONI SOKKA 4:30

Wodamate barrira sumudantinoonniha Qullaawa Maganu Ayyaana dadillissinoonte.

UMI PHEEXIROOSI 1:22

Ammanaano taalu baxillinni baxxinanni gede, halaaleho hajajamatenni lubbo'ne keereensidhinoonni. Kunnira mimmiti'ne ledo xalalu wodaninni seekkitine baxamme.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YOHAANNIS AJUUJA 7:16

Kunni ka'a dihudidhanno; digoodhanno; arrishshono digantannonsa; iibbilluno diqarrisannonsa.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.