YOHAANNISI 4:10 - Qullaawa Maxaafa

¹⁰ Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 4:10 ပူးပေါင်းရင်းမြစ်များ

FAARSO 10:17

Kaaliiqa, gadadaammu huuccatto macciishshite, jawaachishattonsa; maccakkino insa widira qolte,

FAARSO 46:4

Maganu katamira, Wo'munkura Aliidihu hee'rannowa qullaawa darga, tashshi assannohu daadanno wayi no.

FULO 17:6

Ani Siina Ilaalira kinchu aana albakkiinni uurreemmo; atino hakkonne kincho ganatto; mannu aganno wayino kinchu giddonni fulanno» yiisi. Muse Israeelete geerri la'anna Kaaliiqi yiinosi gede assi.

FAARSO ROORE FAARSO 4:15

Ati gate lolakkanno buichootinna, xoannokki waati; Libaanoosi ilaalla hundinni, burqanno xashshi gedeete.

ISAYAASI 12:3

Gatisaanchimmasi mannasi, buetenni hinkii'linanni wayi gede hagiirsiissanno» yitinanni faarsitinanni.

ISAYAASI 35:6

Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

ISAYAASI 42:6

«Ani Kaaliiqi keeraanchimmatenni woshshoommohe; angakkino amadeemmohe; gosate gondooro, dagate xawaabba asseemmohe.

ISAYAASI 43:20

Galata'ya kulanno gede doodhoommo manni aganno gede, halallitte gobbara waa, moola baattora xashsho lolaaseemmo waro, dubbu moyichi, yeedaalanna balguduno ayirrisannoe» yaanno.

ISAYAASI 44:3

«Goodhino baattora waa eemmo; moola baattorano xashshu lolahanno gede asseemmo; oosokki aana Ayyaana'ya duneemmo; oosokki oosorano maasso lolaaseemmo.

ISAYAASI 49:10

Mararannonsahu wayi buicho widira qole haa're ha'rannonsa daafira, hudenna goo'ro diamaddannonsa; halalli fooggalinna arrishshote iibbilli digawajjannonsa.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

HIZIQEELI 16:35

Mootichu Kaaliiqi qole, «Foora Yerusaalame yeemmoheta macciishshi.

ZAKKAARIYAASI 13:1

Olantote Mootichi Kaaliiqi, «Hatte yannara, Daawiti sirchonna Yerusaalamete manni cubbo, qoleno kaphu maganna magansi'ratenni battaawansanni keereensitanno buicho fa'nantanno.

ZAKKAARIYAASI 14:8

Hakko barra, Yerusaalametenni haaru heeshshote wayi fule, taalootu Reyino Baari widira, taalootu Mediteraaniyu Baari widira hige lolahanno; arro hawado yiikkinni diro wo'ma lolahanni hee'ranno.

LUQAASI 11:13

Ki'ne bushuulle ikkitine heedhinenni ooso'nera dancha coye aa egentinoonniha ikkiro, gordoho noohu Anni'ne huuccidhannosirira hakkiinni roorse Qullaawa Ayyaana hiitto aa hooganno?» yiinsa.

YOHAANNISI 16:3

Insa hatto assitanno'nehu Anna'ya woy ane egentinokki daafiraati.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

YOHAANNISI 3:16

Kunni garinni Maganu baattote aana noo manna baala baxino daafira, iso amma'ninohu baalu hegere heeshsho afi'ranno gede ikkinnina ba"annokki gede, Maganu mitto Beettosi uyino.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 6:35

Yesuusino, «Ani heeshshote sagaleeti; anewa daannohu horonta dihudi'ranno; ane ammanannohu horonta digoo'ranno.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

SOQQAMAASINETE LOOSO 9:11

Mootichu qole, «Suwashsho yinanni doogo higge ha'ri. Hakkiicho Yihuda yinanni manchi mine Saawuli yinanniha Xersesi mancho xa'misiisi; isi xa huuccatto assi'ranni no» yiisi.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

UMI QORONTOOSI 1:30

Maganu kayinni ki'nera Yesuusi Kiristoosi ledo mittimma heedhanno'ne gede assino. Kunnira, Maganu Yesuusi Kiristoosi ninkera egennonke, keeraanchimmanke, qullaambenkenna wodonke ikkanno gede assino.

UMI QORONTOOSI 10:4

Baalunku hakkonne ayyaanaamo ago aggino. Agginohuno hakkunni dukkisannonsahu ayyaanaamu kinchinni fulino agooti. Hakku kinchino Kiristoosaati.

LAYINKI QORONTOOSI 9:15

Kulle gundannikki eltosi daafira Maganoho galatu galosi!

EFESOONI SOKKA 2:8

Ki'ne gattinoonnihuno amma'nate widoonni eltosinniiti. Kunino Maganu mulla uyino'ne ba'raa'raati ikkinnina, ki'nenni di"ikkino.

IBIRAAWOOTA 6:4

Magano agurino manna hiitto assine aagintaawanniwa qola dandiinanni? Kuni manni albaanni xawaabbu xawinonsareeti; gordu eltono adhite, Qullaawa Ayyaanano beeqqitinoreeti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YOHAANNIS AJUUJA 21:6

Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.

YOHAANNIS AJUUJA 7:17

Ayirradu barcimi mereero noo Ge'rechi, allaalaanchonsa ikkanno. Heeshshote buichowa haa're massannonsa. Maganuno hindiiddo baala illensanni feyannonsa» yiie.