YOHAANNISI 3:32 - Qullaawa Maxaafa

³² Isi lainorenna macciishshinore farci'ranno. Ikkollana isi farci'rinore adhannohu dino.

YOHAANNISI 3:32 ပူးပေါင်းရင်းမြစ်များ

ISAYAASI 50:2

Dayummo woyite ki'ne dargaho mayira hooggini? Woshshummo yannara yee yaannohu mayira hoogi? Ani gatisa didandeemmoho? Gatisate wolqa dinoeni? Ani rufummoro baaru moolanno; ha'ranno waa moola baattora soorreemmo; qulxu'mu waa hooge ree bowanno gede asseemmo.

ISAYAASI 53:1

Mannu, «Ninke coyi'neemmore ayi ammananno? Kaaliiqi wolqano ayera leeltino?

MAATEWOOSI 7:8

Huucci'rannohu baalu adhanno; hasi'rannohu afi'ranno; woshshi'rannohura fannannisi.

YOHAANNISI 1:11

Isi isiriwa dayino; isiri kayinni dihaadhinosi.

YOHAANNISI 15:15

Faantichu mootichu assannore afannokki daafira, kunni ka'a ki'ne faantootaho diyeemmo'ne. Anni'yawiinni macciishshoommore baala kuloommo'ne daafira, jaalla'ya yoommo'ne.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 3:11

Halaale kuleemmohena, anfoommore kulleemmo; la'noommore farci'neemmo; ki'ne kayinni farci'ranke diadhitinanni.

YOHAANNISI 3:26

Yohaannisi rosaano Yohaannisiwa marte, «Rosiisaancho, Yordaanoosira widoonni tenne ate ledo noohu ati isire farci'rittohu manna cuuanni no; mannu baaluno isiwa maranni no» yitu.

YOHAANNISI 3:33

Isi farci'rinore adhannohu kayinni, Maganu halaalaancho ikkinota buuxanno.

YOHAANNISI 5:20

Annu Beetto baxanno; loosannore baalano leellishannosi. Ki'ne dhagge assidhinanni gede, konne roorino coyeno leellishannosi.

YOHAANNISI 8:26

Coyi'reemmorinna yeemmori ki'neri lowori nooe. Ikkollana soyinoehu halaalaanchoho. Ani tenne gobba mannira coyi'reemmorino isiwiinni macciishshoommoho» yee qolinsa.