YOHAANNISI 3:29 - Qullaawa Maxaafa

²⁹ Idayicho noosihu adhannoho; albisu kayinni adhannohu mule uurre huurosi macciishshe hagiidhanno. Kunnira, ane hagiirrino xa wo'mino.

YOHAANNISI 3:29 ပူးပေါင်းရင်းမြစ်များ

FAARSO ROORE FAARSO 3:11

Ki'ne Tsiyooni seenne, moote Selemooni la"ate amme! Isi, amasi wortinosita ayirrinyu ba'latto umoho wodhe no; tenne ba'latto, hagiirrunnihu adhamasi jili barra wodhanno.

FAARSO ROORE FAARSO 5:1

Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

ISAYAASI 54:5

Kuni ikkannohuno, ani kalaqaanchikki Olantote Magani Kaaliiqi, ayiddaannakkiiti. Ani gatisaanchikki Israeelete Qullaawaati; kalqe baalate Maganooti yinannie.

ISAYAASI 66:11

Amasi unuuna qane duuwe hagiidhanno qaaqqi gede, ki'neno Yerusaalamete jironni qawaaxxidhinanni.

ERMIYAASI 2:2

«Yerusaalame marte mannaho, «Kaaliiqi yaannore macciishshe: Ati seemo nootta waro, mageeshshi geeshsha ammanamoottaro qaageemmo. Idayichimma nootta warono, mageeshshi geeshsha baxattaero seekke afoommo. Halallitte gobbara mitturi nafa mu'rannokkiwa, ane hoode ha'rootta.

HIZIQEELI 16:8

« ‹Galagale mulekkiinni saummo woyite, mine assi'rate iilloottata afoommo. Mulqame nooha bisokki seemma'yanni diwe baxeemmoheta egensiisate xaaroommo. Adhammohera gondooro e"e umi'yata assi'roommohe. Konne coye coyi'roommohu ani Mootichu Kaaliiqaati.

HOOSEI 2:19

Israeele, ani ayiddaama'ya assi'reemmohe; halaalaanchonna ammanamoommoha ikkeemmohe. Bagamannokki baxillinni baxeemmohe; hegerera galte'ya assi'reemmohe.

MAATEWOOSI 22:2

«Gordu Gashshooti beettisira seenne haa'rara jila jilino moote lawanno.

MAATEWOOSI 25:1

Yesuusi lede, «Hatte yannara Gordu Gashshooti seenne adhara daannoha haa'rara caabbicho anga adhe noore tonne seenne lawanno.

MAATEWOOSI 9:15

Yesuusi daware, «Seenne adhannohu ledonsa hee'reenna albisootu qatuntannoni? Adhannoha insawiinni haa'ne hoollanni yanna dagganno; hakka waro kayinni qatuntanno.

LUQAASI 15:6

Minira iillanno woyite, jaallasinna olliisi manna mitteenni woshshe, ‹Ba'inota ge'recho'ya afi'roommona, amme hagiidhe"e!› yaanno.

YOHAANNISI 15:11

«Konne coye kuloommo'nehu hagiirri'ya giddo'ne hee'ranno gedeetinna ki'ne hagiirrino wo'ma ikkanno gedeeti.

YOHAANNISI 16:24

Xaa geeshsha su'mi'yanni mittoreno dihuuccidhinoonni. Huuccidhe, adhitinannina; hagiirri'neno wo'ma ikkanno.

YOHAANNISI 17:13

Xa ani atewa daammoraati; tenne gobbara hee're konne coye coyi'reemmohu, giddonsa ane hagiirri wo'ma ikkanno gedeeti.

YOHAANNISI 3:30

Isi rooriidiha ikkeenna, ani kayinni hooffayidiha ikka hasiissannoe» yii.

LAYINKI QORONTOOSI 11:2

Mitte seemo beetto seemimmasenni adhannohura huuccinanninte gede, anino ki'ne Kiristoosira huuccoommo'ne daafira, ki'nera ayyaanaame laala nooe.

FILIPHISIYUSI SOKKA 2:2

Maahoyyena, xa mitte hedonni, baxillunni, ayyaanunninna gawalotenni sumuu yitine hagiirre'ya wonshe.

UMI YOHAANNISI 1:4

Hagiirri'ne guuta ikkanno gede konne coye borreessinoommo'ne.

LAYINKI YOHAANNISI 1:12

Borreessammo'nera hasi'reemmohu lowo coyi nooe; ikkollana baalankare borreesse soyammo'nera dihasi'reemmo; roorenka hagiirrinke guuta ikkanno gede ki'newa dayenna xaande hasaambammora hexxo assi'roommo.

YOHAANNIS AJUUJA 21:9

Lamala sokkaasine giddonni mittu, goofimarchunniri lamalu qoomami wo'mitinota lamala gabate anga haa're anewa daye, «Amo! Ge'rechu minaama ikkitino idayicho leellisheemmohena» yiie.