YOHAANNISI 3:2 - Qullaawa Maxaafa

² Kuni manchi hashsha Yesuusiwa daye, «Rosiisaancho'ya, Maganu ledo hee'ra hoogiro tenne ati assatto maalale asse afannohu mittuno dino. Kunnira, ati Maganuwiinni dayotto rosiisaancho ikkoottota anfoommo» yii.

YOHAANNISI 3:2 ပူးပေါင်းရင်းမြစ်များ

UMI MOOTOOLLA 17:24

Iseno, «Ati Maganu mancho ikkoottotanna Kaaliiqino ate afiira coyi'rannota xa afoomma» yitu.

ISAYAASI 51:7

«Ki'ne halaalaancho coye egentinoonnirinna, seera'ya wodani'nera wodhitinoonniri, ani yeemmota macciishshe"e! Mannu mishanno'ne woyite waajjitinoonte; xonneenna'neno massinoonte.

ERMIYAASI 38:16

Moote Sedeqiyaasino, «Ani sheemmohekki gedenna shitannoherirano sayise eemmohekki gede, lubbo kalaqinonke Kaaliiqi su'minni xaareemmo» yee hashaashe kulinoe.

MAATEWOOSI 22:16

Rosaanonsa Heeroodisi manni ledo Yesuusiwa sokke, «Rosiisaancho, ati halaalaancho ikkoottotanna Maganu doogo halaalunni rosiisattota egenninoommo. Manna waajjite assatto coyi dino; mannahono godowa dihosatto» yituhu gedensaanni,

MAATEWOOSI 23:7

Gudumaaleho mannu baalu keere haa'ransaranna, ‹Rosiisaancho› yee woshshansara hasidhanno.

MAATEWOOSI 23:8

Ki'ne kayinni rosiisaanchi'ne mitto calla ikkinohuranna ki'neno roduuwa ikkitinoonni daafira, ‹Rosiisaancho› yine woshshinoonke'ne.

MAARQOOSI 12:14

Insano marte, «Rosiisaancho, ati halaalaancho ikkoottota egenninoommo; manna waajjitenna woleho golante assatto coyi dino. Maganu doogo halaalunni rosiisattoho. Maahoyyena, jawaho Roomu mootera Qeesaarira giwire baata seerahonso seerimalete? Uyinonso agurro?» yite xa'mitusi.

YOHAANNISI 1:38

Yesuusino caaqqi yee lae hoodesi noota afe, «Ma hasidhinanni?» yee xa'minsa. Insa qolte, «Rabii, ati hiikko hee'ratto?» yitu.

YOHAANNISI 10:38

Anni'ya looso looseemmoha ikkiro kayinni, ane ammana hoogginirono, looso'ya ammanne. Kunni garinni Anni'ya anenni nootanna anino Anni'yanni noommota egentinanni» yiinsa.

YOHAANNISI 12:37

Yesuusi tenne maalale baala albansaanni loosanni hee'reenna nafa, Ayihudootu diammantinosi.

YOHAANNISI 14:10

Ani Anni'yanni noommota, Anni'yano anenni noota diammanootto? Ki'nera kuleemmo qaale ani umi'yanni dicoyi'reemmo. Baalanka looso anenni hee'rannohu Anni'ya loosanno.

YOHAANNISI 15:24

Wolu loosinokki looso mereeronsa loosa hoogoommoro, cubbo di"ikkannonsa. Xa kayinni, konne baala la'uhu gedensaanni aneno Anna'yano gibbino.

YOHAANNISI 2:11

Yesuusi tenne umi maalale loosinohu Galiilu gobbara Qaana Katamiraati. Kunni garinni ayirrinyesi leellishi; rosaanosino ammantusi.

YOHAANNISI 20:16

Yesuusino, «Maariyaami» yee woshshise. Iseno isi widira caaqqi yite Ibiraawootu afiinni, «Rabuuni» yitusi. Hatto yaa, «Rosiisaancho» yaate.

YOHAANNISI 3:26

Yohaannisi rosaano Yohaannisiwa marte, «Rosiisaancho, Yordaanoosira widoonni tenne ate ledo noohu ati isire farci'rittohu manna cuuanni no; mannu baaluno isiwa maranni no» yitu.

YOHAANNISI 4:31

Konne mereero rosaano Yesuusa, «Rosiisaancho, mitore afooho wodhi!» yitusi.

YOHAANNISI 5:36

Anera kayinni Yohaannisita roortino farci'ra nooe; farci'ra'yano Anni'ya loosammora uyinoe loosooti. Kuni looseemmo loosi, Anni'ya soyinoe gede anere farci'rannoho.

YOHAANNISI 6:2

Lowo manni Yesuusi dhiwamaasine hursatenni loosino maalale lae hoodesi ha'ri.

YOHAANNISI 7:31

Lowo manni iso ammani. Qoleno, «Kiristoosi dayiro kuni manchi loosino dhaggenni roore loosa ikka?» yii.

YOHAANNISI 9:16

Gamu Farisooti, «Kuni manchi Fooliishshote Barra diayirrisannona, Maganuwiinni dayinoha di"ikkino» yitu. Gamu kayinni, «Cubbaataamu manchi togoo maalale loose dandaannoni?» yitu. Kunninni kainohunni mereeronsa babbadooshshu kalaqami.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 2:22

«Israeelete manna! Konne qaale macciishshe; affininte gede Naaziretete Yesuusi ewelumma, Maganu Isi widoonni qole giddo'ne assinohu jawu coyi, maalalenna dhagge xawo fultino.

FILIPHISIYUSI SOKKA 1:14

Mootichunni noori lowo roduuwino usurama'ya halaalunnita ikkitinota ammante Maganu qaale kultara waajja nookkiha albinni roore jawaattanni no.

EJJEETTO 6:27

Gedewooni soqqamaasinesi giddonni 10 anga adhe mare Kaaliiqi hajajinosi gede assi. Minisi mannanna katamu manna waajjino daafira, konne assinohu dibarraatina hashshaati.