YOHAANNISI 3:14 - Qullaawa Maxaafa

¹⁴ Muse halalla hamashsho sutinte gede, Manchi Beettino hatto ikke sutama hasiissinosi.

YOHAANNISI 3:14 ပူးပေါင်းရင်းမြစ်များ

LAYINKI MOOTOOLLA 18:4

Dagate maganna magansi'nanni darguwa diigino; sooddiyyeno hiiqqaqqino; Asheera mokkollono cancanino. Muse camotenni seekkinotera Nehushita yinanni misile hamashshunnitera mannu hixaana giirino daafira cancane hunino.

FAARSO 22:16

Bushu manni woshshu gede gaangeessie; woshshu gede tuudde amaddue; anga'yanna lekka'ya ladditue.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

MAATEWOOSI 26:54

Hatto ikkoommero, ‹Qarra adha hasiissannosi› yaannohu Qullaawu Maxaafi qaali hiitto ikke wo'manno?» yiisi.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

LUQAASI 24:20

Qeesootu roorrootinna gashshaanonke reyote yoora sayisse uyitino. Masiqalu aanano suttino.

YOHAANNISI 18:32

Kuni coyi ikkinohu, Yesuusi ma garinni reyannoro coyi'rino qaali wo'manno gedeeti.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

YOHAANNISI 8:28

Kunnira Yesuusi, «Manchi Beetto suttinanni woyite Ani Ane ikkoommota affinanni. Anni'ya rosiisinoere ikkinnina, ani umi'ya wolqanni mittoreno asseemmokkita hatte yannara buuxxinanni.

SOQQAMAASINETE LOOSO 2:23

Hakkuno Maganu umisi balaxe hedinonna egennino garinni, ki'nera sae aamamino; ki'neno haxawarrootu angara sayissine uyitinoonni. Insano dawete aana sutte shitino.