YOHAANNISI 3:10 - Qullaawa Maxaafa

¹⁰ Yesuusi, «Ati Israeelete rosiisaancho ikkite heedhe konne coye diafootto?

YOHAANNISI 3:10 ပူးပေါင်းရင်းမြစ်များ

UMI DUDUWO 29:19

Beetti'ya Selemoonino hajajatto hajajo, wodhonna woga baala wo'mu wodaninni wonshanno gedenna kuri qixxeessoommori baalunkunni Qullaawa Mine minate ka"anno gede assi» yii.

FAARSO 51:10

Magano ballo! Keeraancho wodana kalaqie; haaronna suwashsho wodana giddo'ya worie.

FAARSO 51:6

Ati halaalenna sumbe baxatto; wodani'yara egennokki wonshie.

FAARSO 73:1

Maganu wodana subbinorira, Israeelete hiittoo shaqqadooti!

ISAYAASI 56:10

Qoleno Kaaliiqi, «Israeelete gashshaano ballootaho; egennono diafidhinoreeti. Insa baalunku dutannokki woshshi gede, sammi yite goxxe haaqee calla haaqiidhanno; wo'manka woyite goxano calla baxxanno.

ISAYAASI 9:16

Konne manna massaggannori baalu so'risiissannoreeti; mannuno doogotenni fule raataawino.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

HIZIQEELI 11:19

Haaro wodananna haaro surre eemmo'ne; mokkookka kinchu wodana giddo'nenni hoole, owaata wodana eemmo'ne.

MAATEWOOSI 11:25

Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.

MAATEWOOSI 15:14

Insa illiweelte heedhe illiweeloota massaggannoreetina agurre. Illiweelu illiweelo massagiro lamunku balete ubbanno» yiinsa.

MAATEWOOSI 22:29

Yesuusi qole, «Ki'ne Qullaawa Borronna Maganu wolqa afa hoogginoonnihura sodhinanni.

LUQAASI 2:46

Sasu barri gedensaanni Qullaawa Mine affusi; hakkiicho Ayihudete rosiisaano mereero ofolle macciishshanninna xa'manni no.

LUQAASI 5:17

Mitto barra Yesuusi rosiisanni hee'reenna, Farisootunna Muse Seeri rosiisaano mulesi ofolte no. Insa Galiilunna Yihudu qachi baalunninna Yerusaalametenni dagginoreeti. Yesuusi dhiwantinore hursannoti Mootichu wolqa ledosi no.

YOHAANNISI 3:9

Niqoodimoosino, «Kuni hiitto ikke ikkanno?» yee xa'mi.

SOQQAMAASINETE LOOSO 5:34

Ikkollana mannu ayirrisannosihunna Seeru rosiisaancho ikkinohu Gemaaliyaali yinannihu mittu Farisootu widihu songote miili kae, soqqamaasine shiimare ka'a shiqqi assinanni gede hajaji.

ROOMU SOKKA 2:28

Su'mu callunni Ayihude ikkinohu halaalaancho Ayihudicha di"ikkino. Illete leellanno biso mudha halaalaancho barcima di"ikkitino.

MARRO 10:16

Kunni daafira, wodana co'o yitine keeraa'me; kakkachimma'neno agurre.

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

FILIPHISIYUSI SOKKA 3:3

Magano Qullaawu Ayyaaninni magansi'neemmorenna, illete leellanno seerinni ikkikkinni Kiristoosa Yesuusa adawadhineemmore ikkinoommohura halaalunni barcimmoommori ninkeeti.

QOLASIYAASI SOKKA 2:11

Iso amma'na'nenni barcimtinoonni, tini barcima'ne cubbaataame mannimma'ne suude hunatenni Kiristoosinni assinoreeti ikkinnina mannu assinore di"ikkino.