YOHAANNISI 2:22 - Qullaawa Maxaafa

²² Rosaanosi Yesuusi reyotenni kai yannara, balaxe coyi'rinore qaaggino. Hakkunni daafira, Qullaawa Borro giddo borreessinoonnirenna Yesuusi coyi'rino qaale ammantu.

YOHAANNISI 2:22 ပူးပေါင်းရင်းမြစ်များ

FAARSO 16:10

kunnira, wodani'ya hagiidhanno; arrawi'yano hisatanno. Manninati'yano yaaddo nookkiha galanno.

LUQAASI 24:26

Kiristoosi konne baala qarra adhanna ayirrinyu darga iilla dihasiissannosi?» yiinsa.

LUQAASI 24:44

Yesuusino, «Ki'ne ledo noommo yannara Musera uyinoonni Seeri, Himannatenna Faarsuwate borro giddo ane daafira borreessinoonniri baalu wo'ma hasiissanno yee kulummo'ne qaali konneeti» yiinsa.

YOHAANNISI 12:16

Rosaanosira kuni coyi umo dileellinonsa. Ikkollana, Yesuusi ayirrinyunniwa ei yannara konne coye isi daafira borreessinoonnitanna konneno isira yine assinoonnita qaaggu.

YOHAANNISI 14:26

Anni'ya ane su'minni soyanno'nehu jawaachishannohu Qullaawu Ayyaani kayinni baalankare rosiisanno'ne; ani kuloommo'nere baalanka qaagiissanno'ne» yii.

YOHAANNISI 16:4

Balaxe konne ki'nera kuloommo'nehu yanna iillitanno woyite yoommo'nere qaagginaraati» yiinsa. Yesuusi lede, «Konne baala balaxe kuloommo'nekkihu ledo'ne noommo daafiraati.

YOHAANNISI 2:11

Yesuusi tenne umi maalale loosinohu Galiilu gobbara Qaana Katamiraati. Kunni garinni ayirrinyesi leellishi; rosaanosino ammantusi.

YOHAANNISI 2:17

Hatte yannara rosaanosi, «Minikki laala giirate gede ittue» yine borreessinoonniha qaaggu.

YOHAANNISI 2:2

Yesuusanna rosaanosino hakko jilira woshshinoonni.

SOQQAMAASINETE LOOSO 11:16

Hatte yannara, ‹Yohaannisi wayinni cuuino; ki'ne kayinni Qullaawu Ayyaaninni cuuantinanni› yee Mootichu coyi'rino qaali qulli yiie.

SOQQAMAASINETE LOOSO 13:33

Yesuusa reyotenni kayisasinni, ninke oosonsara hattenne hexxo wonshino. Kuni ikkinohu layinki faarso aana, ‹Ati Beetto'yaati; Ani techo iloommohe› yine borreessinoonni garinniiti.