YOHAANNISI 19:9 - Qullaawa Maxaafa

⁹ Galagale hoowe giddoonni e"e, «Ati maminni dayotto?» yee xa'misi. Yesuusi kayinni mittoreno diqolinosi.

YOHAANNISI 19:9 ပူးပေါင်းရင်းမြစ်များ

ISAYAASI 53:7

«Iso gadadunna qarru amadinosi; ikkeennano cuqqi curuqqi diyiino. Gorrinara haa'ne ha'nanni wilii'lichinna, orda hanxanni ge'rechi gede, afoo fa'nannokkiha sammi yiino.

MAATEWOOSI 26:63

Yesuusi kayinni mittoreno qolikkinni sammi yii. Qeesootu Roorrichi lede, «Heeshshote Magani su'minni xa'meemmohena Ati Maganu Beetto, Kiristoosa ikkoottoro kulie» yiisi.

MAATEWOOSI 27:27

Hatte yannara, Gashshaanchu gaaddo Yesuusa haadhe Philaaxoosi hoowe massitusi. Gaaddo baala Yesuusa gaangeessite uurritanno gede assitu.

LUQAASI 23:9

Kunnira Heeroodisi Yesuusa batinye xa'mo xa'mi. Yesuusi kayinni mittoreno diqolinosi.

YOHAANNISI 18:28

Hakkunni gedensaanni Ayihude Yesuusa Qeyaafa qaenni haadhe gashshaanchu hoowe massitusi. Yannano soodo gutooti. Lagaabbe Agure Sa"ate Ayyaani jila ita hooggannokki gede, gashshaanchu hoowe giddora die'ino.

YOHAANNISI 18:33

Philaaxoosi galagale hoowesi giddora e"e Yesuusa woshshe, «Ati Ayihudete mooteeti?» yee xa'misi.

YOHAANNISI 18:34

Yesuusi, «Ati konne coye xa'mattoehu umikki hedonniitinso, anere mannu kulinohe garinniiti?» yii.

YOHAANNISI 18:37

Philaaxoosino, «Hakka woyiteetiro, ati mootete yaate?» yee xa'misi. Yesuusino, «Ani moote ikkoommota, atinni diyiitto! Ani ilamoommohunna tenne gobba dayommohu halaale farci'rammoraati. Halaalu widoonni uurrinohu qaale'ya macciishshanno» yee qoli.

YOHAANNISI 19:10

Kunnira Philaaxoosi, «Dikulattoe? Tiratenna sutate wolqa afi'roommota diafootto?» yiisi.

YOHAANNISI 19:8

Philaaxoosi konne coye macciishshi woyite, lowo geeshsha waajji.

YOHAANNISI 8:14

Yesuusi qole, «Umi'ya daafirano farci'rummoro, hiikkiinni dayommoronna hiikka ha'reemmoro afoommo daafira, yoommori halaaleho. Ki'ne kayinni hiikkiinni dayommoronna hiikka ha'reemmoro diaffinoonni.

FILIPHISIYUSI SOKKA 1:28

Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho.

EJJEETTO 13:6

Hakkunni gedensaanni mancho ayiddaannisewa marte, «Anewa Maganu manchi dayino. Isino Maganu sokkaasinchi gede lowo geeshsha waajjishannoho. Hiikkiinni dayinoro dixa'moomma; isino su'masi dikulinoe.