YOHAANNISI 19:4 - Qullaawa Maxaafa

⁴ Philaaxoosi layinkimeeshsho gobbara fule, «Assinoti mitte bunshe nafa leeltinoekkita affinanni gede, agarre iso gobbara fushsheemmo'nena» yiinsa.

YOHAANNISI 19:4 ပူးပေါင်းရင်းမြစ်များ

MAATEWOOSI 27:19

Hakkunni gedensaanni Philaaxoosi yoote barcimira ofolle hee'reenna galtesi, «Isinni kainohunni ani ankarro haaqeete lowo geeshsha qarramanni galoommana, kunni keeraanchu manchi aana mittoreno assitooti!» yite sokka sokku.

MAATEWOOSI 27:24

Kunnira, Philaaxoosi kuni coyi canco ledannota ikkinnina woyyannori nookkita afe, waa abbisiisi're, «Kunni manchi reyo ane dihassanno. Ki'ne kayinni diagurtanno'ne!» yee mannu albaanni anga hayishshi'ri.

MAATEWOOSI 27:4

«Keeraancho mancho reyote sayise aa'yara sao assoommo» yii. Insa kayinni, «Ninke mayi xiwinke! Umikki hajaati!» yitusi.

MAATEWOOSI 27:54

Olantote roorrichinna isi ledo Yesuusa agarte noori uulla milli yitutanna ikkino coye baala la'e lowo geeshsha waajjite, «Kuni manchi halaalintanni Maganu Beettooti» yitu.

LUQAASI 23:4

Hatte yannara Philaaxoosi qeesootu roorrootiranna mannaho, «Kunni manchi aana mitte saono diafoommo» yii.

LUQAASI 23:41

Ninke assinoommo saora malinonke qoricha adhinoommo; kuni manchi kayinni mitte saono diassino» yee rufi.

LUQAASI 23:47

Hakkiicho noohu xibbe olanto roorrichi tenne ikkito lae, «Kuni manchi halaalintanni keeraanchoho» yee Magano ayirrisi.

YOHAANNISI 18:33

Philaaxoosi galagale hoowesi giddora e"e Yesuusa woshshe, «Ati Ayihudete mooteeti?» yee xa'misi.

YOHAANNISI 18:38

Philaaxoosino, «Halaalu maati?» yee xa'mi. Hattenne giddo hee're Ayihudootunniwa mare, «Kuni manchi assino so'ro ani diafoommo.

YOHAANNISI 19:6

Qeesootu roorrootinna Qullaawu Mini agaraasine Yesuusa affe, «Suti! Suti!» yitanni cancitu. Philaaxoosi kayinni, «Ane woyite assino bunshe diafoommona, ki'ne massitine sutte» yiinsa.

LAYINKI QORONTOOSI 5:21

Kiristoosinni Maganu keeraanchimma ikkineemmo gede, Maganu cubbo loose egenninokkiha Kiristoosa ninke daafira yee cubbaataamo asse kiirinosi.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

UMI PHEEXIROOSI 1:19

Ki'ne wondoonnihu kullannire woy minshannire afi'rinokki ge'rechite gedeetenni ayirrado Kiristoosi mundeenniiti.

UMI PHEEXIROOSI 2:22

Isi mitto cubbono diloosino; afiisinni sao difultino.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.

UMI YOHAANNISI 3:5

Isi cubbo hunara dayinota egentinoonni; isira cubbu dinosi.