YOHAANNISI 18:8 - Qullaawa Maxaafa

⁸ Isino, «Aneeti yoommo'newe. Ane hasidhinanniha ikkiro, kore hadhona agurrensa!» yii.

YOHAANNISI 18:8 ပူးပေါင်းရင်းမြစ်များ

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

MAATEWOOSI 26:56

Kuni baalu ikkinohu kayinni alba himanaano himantinori wo'manno gedeeti» yii. Hatte yannara rosaanosi baala Yesuusa agurte xooqqu.

YOHAANNISI 10:28

Ani insara hegere heeshsho eemmo; horonta diba'anno. Anga'yanni ayino dihawulukannonsa.

YOHAANNISI 13:1

Yanna Agure Sa"ate Ayyaanira albaanniiti. Yesuusi tenne gobba agure Annisiwa ha'rannoti yanna iillitinota afe, tenne gobbara noore isire ikkitinore baxannonsare, goofimarchu geeshsha baxinsa.

YOHAANNISI 13:36

Simiooni Pheexiroosi Yesuusa, «Mooticha, ha'rattohu hiikkiichiraati?» yee xa'misi. Yesuusi daware, «Ani ha'reemmowa, hoode'ya dagge diafatto; gedensaanni kayinni, hoode'ya daatto» yiisi.

YOHAANNISI 16:32

Mittu mittunkunni billaallitine ane calla'ya agurtinannie yanna dagganno. Kune iillitino. Ikkollana Anni'ya ledo'ya noo daafira callicho'ya di"ikkoommo.

YOHAANNISI 18:7

Yesuusi lede, «Aye hasidhinanni?» yee xa'minsa. Insano, «Naaziretete Yesuusa hasi'neemmo» yitu.

YOHAANNISI 18:9

Hatto yiinohuno, «Anna'ya, oottoeri giddonni mitto nafa dihunoommo» yiino qaali wo'manno gedeeti.

UMI QORONTOOSI 10:13

Mannaho iillitinokki jifama di"iillitino'ne. Maganu ammanaminoho; wolqa'nera aleenni ikkitino jifama iillita'nera wore dila"anno. Jifantinanni woyite cincitine sa"a dandiitinanni gede, fultinanni doogo qixxeessanno'ne.

LAYINKI QORONTOOSI 12:9

Isi kayinni, «Ane wolqa guutte leeltannohu ate wolqiweelle aana ikkinohura elto'ya ikkitannohe» yiinoe. Kunnira Kiristoosi wolqa aana'ya fooliishshidhanno gede, albinni roorse wolqiweelle'yanni naaxxa baxeemmo.

EFESOONI SOKKA 5:25

Minaannuwa! Kiristoosi beetekiristaane baxinonna isera umosi sayise uyinonte gede, ki'neno mini amuuwa'ne hakko garinni baxxe.

UMI PHEEXIROOSI 5:7

Ki'nere malannohu isootina, qarrisanno'nere baala isi aana tuqqe.