YOHAANNISI 18:5 - Qullaawa Maxaafa

⁵ Insano, «Naaziretete Yesuusa hasi'neemmo» yitu. Isino, «Aneetiwe» yiinsa. Hatte yannara, sayise uyisihu Yihudi ledonsa uurre no.

YOHAANNISI 18:5 ပူးပေါင်းရင်းမြစ်များ

ISAYAASI 3:9

Laihu baalu bunshensa albinsa aana afanno; Soddoomu manni gede cubbonsa goltukkinni xawoho hasaabbanno. Uminsa aana bao abbidhino daafira insara aanne'e!

ERMIYAASI 8:12

Manni'ya, konne tiyyi'nanniha, battete coye baala assi geeshsha, saalfate egenninoni? Saalfatannire agurina hanukki nafa diyiino; saalu maatirono diegennino. Kunnira wolootu ubbu gede insano ubbanno; qorichisheemmonsa yanna gawalonsa ikkitanno. Konne coyi'roommohu ani Kaaliiqaati» yii.

MAATEWOOSI 2:23

Iso, «Naaziretichaho yinanni» yine himannoonni himani wo'manno gede mare Naaziretete Katamira hee'ri.

MAATEWOOSI 21:11

Mannuno, «Kuni Galiilu gobbanni Naaziretete Kataminni dayino himanaancho Yesuusaati» yii.

YOHAANNISI 1:46

Naatinaeeli kayinni, «Naaziretetenni danchu coyi fulannoni?» yii. Filiphoosino, «Amo dagge lai!» yiisi.

YOHAANNISI 18:4

Yesuusi aanasi daara noore baala afino daafira insawa shiqqi yee, «Aye hasidhinanni?» yiinsa.

YOHAANNISI 18:6

Yesuusi, «Aneetiwe» yiinsata, badhe higge gugatte gatantarte ubbu.

YOHAANNISI 19:19

Philaaxoosi, «Naaziretete Yesuusa, Ayihudete Moote» yee borreesse Yesuusi masiqalira umoonni wori.