YOHAANNISI 17:3 - Qullaawa Maxaafa

³ Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

YOHAANNISI 17:3 ပူးပေါင်းရင်းမြစ်များ

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

LAYINKI DUDUWO 15:3

Israeelete manni lowo yanna halaalaancho Magano agure, seerunna rosiisanno qeesichi nookkiha hee'rino.

FAARSO 9:10

Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

LAWISHSHA 8:35

Ane afi'rannohu, heeshsho afi'ranno; Kaaliiqiwiinnino ayirrinye adhanno.

ISAYAASI 48:16

Anewa shiqqine yeemmore macciishshe! Bi're hundinni kayise mittoreno gole dicoyi'roommo; kuni coyi ikkinkunni ani hakkiicho noommo» yii. Xaano kune ane Mootichu Kaaliiqi, Ayyaanisi ledo soyinoe.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

HOOSEI 6:3

Amme, Kaaliiqa afate lowo geeshsha diinaggaambona. Isino soodimari xawaabbinna baatto duushshannohu badheessi xeeni gede addinta ninkewa daanno» yaanno.

MAARQOOSI 9:37

«Ane su'minni togoo qaaqquulli giddonni mitto wosinchimma adhannohu, ane adhanno. Ane adhannohuno, ane calla ikkummokkinni, ane soyinoehano adhanno» yiinsa.

LUQAASI 9:48

Rosaanosira, «Konne qaaqqo su'mi'yanni adhannohu aneno adhanno. Ane adhannohu, ane calla ikkummokkinni ane soyinoehano adhanno. Ki'ne giddo wo'munkura woriidihu baalunkura rooriidiha ikkanno» yiinsa.

YOHAANNISI 10:36

ki'ne kayinni Maganu doodhinohanna tenne gobba mannira soyinoha, ‹Ani Maganu Beettooti› yiino daafira, ‹Magano xonootto› mayira yitinanniyya?

YOHAANNISI 11:42

Wo'manka woyite macciishshattoeta afoommo. Tenne yoommohu kayinni kawiicho uurre noo manni ane ati soottoeta ammanara yeeti» yii.

YOHAANNISI 14:26

Anni'ya ane su'minni soyanno'nehu jawaachishannohu Qullaawu Ayyaani kayinni baalankare rosiisanno'ne; ani kuloommo'nere baalanka qaagiissanno'ne» yii.

YOHAANNISI 17:18

Ati ane tenne gobba soyittoente gede, anino insa tenne gobba soommonsa.

YOHAANNISI 17:21

Huucci'reemmohehu insa baalunku mitto ikkitanno gedeeti. Anna'ya, ati anenni, anino atenni noommonte gede, insano ninkenni heedhanna, tini gobbano soottoeta ammantanno gedeeti.

YOHAANNISI 17:23

Ani huucci'reemmohehu ani insanni, ati anenni noottonte gede, insano co'onta mitto ikkiteenna, tini gobba soottoetanna insano baxoottonsata affaraati.

YOHAANNISI 17:25

Keeraancho Anna'ya! Tini gobba diegentinohe; ani kayinni egennoommohe. Kurino ati soottoeta egentino.

YOHAANNISI 17:8

Oottoe qaale oommonsa; insano adhitino. Ani atewiinni dayommota seekkite affino. Ati soottoetano ammantino.

YOHAANNISI 3:17

Maganu beettosi soyinohu baattote aana noo mannira busha yoo yaate ikkikkinni gatisate yeeti.

YOHAANNISI 3:34

Maganu Ayyaanasi qircikkinni aannosi daafira, Maganu soyinohu Maganu qaale coyi'ranno.

YOHAANNISI 5:44

Ki'ne mimmiti'newiinni ayirrinye hasidhinanniri, mitto calla ikkino Maganiwiinni afi'nanni ayirrinye kayinni hasidhinannikkiri, ane hiitto ikkitine ammantinannie?

YOHAANNISI 6:57

Heeshshonnihu Annu soyinoe garinni, anino isinni heeshshonniha ikkoommonte gede, maala'ya itannohu baalu anenni heeshshonniha ikkanno.

YOHAANNISI 7:29

Ani kayinni isiwiinni dayommohuranna isi soyinoeha ikkoommo daafira egennoommosi» yii.

YOHAANNISI 8:19

Insa qolte, «Annikki hiikko no?» yitu. Yesuusi, «Aneno anna'yano diegentinoonni. Ane egentinoommero Anna'yano egentinanni» yee qolinsa.

UMI QORONTOOSI 15:34

Wodana assidhe; cubbono loossinoonte. Ki'ne giddo mitu mitu Magano affinokkiri no. Konne yeemmohuno saalfachishammo'nera yeeti.

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

FILIPHISIYUSI SOKKA 3:10

Qoleno, Kiristoosinna isita reyotenni ka"asi wolqa afammora, reyotennino iso lawatenna qarrasi beeqqate yeeti.

FILIPHISIYUSI SOKKA 3:8

Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo.

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

IBIRAAWOOTA 3:1

Gordu woshshatto beeqqaasine ikkitinoonniri qullaawa manna! Amma'nankera soqqamaanchonna Qeesootu Qara Yesuusa qaagge!

LAYINKI PHEEXIROOSI 1:2

Maganonna Mootichanke Yesuusa afatenni eltonna keeru bati'ro'ne.

LAYINKI PHEEXIROOSI 1:3

Ayirrinyisinninna danchummasinni woshshinonkeha afankenni maganimmate wolqasinni heeshshotenna Magano magansi'rate hasiisannore baala uyinonke.

LAYINKI PHEEXIROOSI 1:8

Kuni coyi bati're hee'ri'nero, Mootichanke Yesuusi Kiristoosi egennate mullootanna gumiweeloota ikkitinannikki gede assanno'ne.

UMI YOHAANNISI 1:2

Tini heeshsho xawo fultino; ninkeno la'noommo; farci'neemmo. Maganu Annunniwa nooterenna ninkerano leeltinotere hegere heeshshore kulleemmo'ne.

UMI YOHAANNISI 1:3

Ninke ledo mittimma heedhanno'ne gede, la'noommohanna macciishshinoommoha ki'nerano kulleemmo'ne; mittimmankeno Maganu Annunna Beettisi Yesuusi Kiristoosi ledooti.

UMI YOHAANNISI 2:23

Beetto ammanannokkihura Maganu Annuno dinosi. Beetto ammanannohu Magano Annano ammananno.

UMI YOHAANNISI 4:6

Ninke Maganunnireeti; Magano egenninohu, yineemmore macciishshannonke; Maganunniha ikkinokkihu kayinni dimacciishshannonke; halaalu Ayyaananna so'rote ayyaana bande anfeemmohu kunninniiti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.