YOHAANNISI 17:20 - Qullaawa Maxaafa

²⁰ «Ani insa daafira calla ikkikkinni, insa kultino qaalinni ane ammantannori daafirano huucci'reemmohe.

YOHAANNISI 17:20 ပူးပေါင်းရင်းမြစ်များ

YOHAANNISI 10:16

Tenne hoowe giddo nookkihu wolu ge'reewino nooe; insano abba hasiissannoe. Insano huuro'ya macciishshitanno. Mitte hoshsha ikkitanno; allaalaanchuno mitto ikkanno.

YOHAANNISI 17:19

Insa halaalunni qullaawoota ikkitanno gede, anino insa daafira yee anenee qullaawa assoommo.

YOHAANNISI 17:21

Huucci'reemmohehu insa baalunku mitto ikkitanno gedeeti. Anna'ya, ati anenni, anino atenni noommonte gede, insano ninkenni heedhanna, tini gobbano soottoeta ammantanno gedeeti.

SOQQAMAASINETE LOOSO 2:41

Insa giddonni lowo manni qaale macciishshe cuuami. Hakko barra sase kume ikkanno manni ammane lexxi.

SOQQAMAASINETE LOOSO 4:4

Qaale macciishshitinori giddonni kayinni lowo manni ammani. Ammantinori kiirono onte kumeeti.

ROOMU SOKKA 16:26

Kuni halaali xa himanaanote borro widoonni xawe leellino. Mannu baalunku amma'ne hajajamara, hegere Magani hajajo garinni afanno gede assinoonni.

EFESOONI SOKKA 4:11

Isi mito mito soqqamaasine, woloota himanaano, mito mito Dancha Duduwo kultannore, woloota qole ammanaano allaaltannorenna gamisoota rosiisaano ikkitanno gede assino.

LAYINKI XIMOOTEWOOSI 1:2

Baxeemmohu beetti'ya Ximootewoosira: Maganu Annunna Mootichinke Yesuusi Kiristoosi elto, maaronna keeru ate ledo hee'ro.