YOHAANNISI 17:2 - Qullaawa Maxaafa

² Ayirrisattosihu, oottosirira baalaho hegere heeshsho aate, mannu baalu aana roorre oottosihuraati.

YOHAANNISI 17:2 ပူးပေါင်းရင်းမြစ်များ

FAARSO 110:1

Kaaliiqi Mootichi'yara, «Baarigaarrakki lekkakkira woroonni qolammo geeshsha, qiniite'yaanni ofolli» yiisi.

DAANIEELI 7:14

Addi addi gobbara hee'rannohu, addi addi afiinni coyi'ranno manni soqqamannosi gede, roorre, ayirrinyunna wolqa aamantusi. Roorresino hegere hegerete; gashshootisirano gawalo dino.

MAATEWOOSI 11:27

Anni'ya baalanka coye uyinoe. Annu ka'a Beetto egenninohu ayino dino. Beettu ka'a Anna afinohu ayino dino. Beettu leellishinonsare agurranna Anna afinohu dino.

MAATEWOOSI 25:46

«Kunni daafira, ki'ne hegere qorrichiwa, keeraano kayinni hegere heeshshowa hadhanno» yiinsa.

MAATEWOOSI 28:18

Yesuusi insawa shiqqi yee, «Roorre baala gordohonna baattote uyinoonnie.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

YOHAANNISI 17:6

«Tenne gobbanni doorte oottoe mannira ate ewelumma egensiisoommo. Insa atereeti; insa anera oottoehu ateeti. Insano qaalekki wonshitanno.

YOHAANNISI 17:9

«Ani insa daafira huucceemmo. Kuri oottoeri atere ikkitinohura insa daafira huucceemmo. Ate tenne gobba daafira dihuucceemmo.

YOHAANNISI 3:35

Annu Beettosi baxanno; wo'mankareno angasi worino.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 6:27

Ba'anno sagalera loosidhinoonte! Maganu Annu konne coye buuxisate Beettisi aana sumude worino daafira, Maganu Beetti aanno'netera hegere heeshshotera loosidhe» yiinsa.

YOHAANNISI 6:37

Anni'ya aannoehu baalu anewa daanno. Anewa daannoha horonta fushshe dihuneemmo.

YOHAANNISI 6:39

Soyinoehu hedono, uyinoeha mittono hunummokkinni goofimarchu barra reyotenni kayiseemmo gedeeti.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

UMI QORONTOOSI 15:25

Maganu baarigaarrasi baala angasira qola geeshsha, Kiristoosi mooha hasiissanno.

EFESOONI SOKKA 1:20

Maganu Kiristoosi reyotenni kayise, gordu gobbara qiniitesiinni ofollanno gede assinote.

FILIPHISIYUSI SOKKA 2:10

Kunninni kainohunni, gordoho, baattotenna baattote woroonni noori baalu, Yesuusi su'mi ayirrinyira, guluphitanno.

UMI XIMOOTEWOOSI 1:16

Ikkollana sao'ya agurroonnie; sao'ya agurroonniehuno, Yesuusi Kiristoosi dannu nookki garinni baalunkunni roore cubbaataamo ikkoommohure anere cince, iso ammante hegere heeshsho afidhannorira lawishsha ikkeemmo gedeeti.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

UMI PHEEXIROOSI 3:22

Isi gordo ha're Maganoho qiniiteenni no; sokkaasine, gashshaanonna wolqaataammu angasira higganno.

UMI YOHAANNISI 1:2

Tini heeshsho xawo fultino; ninkeno la'noommo; farci'neemmo. Maganu Annunniwa nooterenna ninkerano leeltinotere hegere heeshshore kulleemmo'ne.

UMI YOHAANNISI 2:25

Tini isi uyinonke hexxono hegere heeshshooti.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YIHUDA 1:21

Hegere heeshshowa iillishshannota Mootichinke Yesuusi Kiristoosi maaro agadhitinanni, Maganu baxilli giddo heedhe.