YOHAANNISI 17:13 - Qullaawa Maxaafa

¹³ Xa ani atewa daammoraati; tenne gobbara hee're konne coye coyi'reemmohu, giddonsa ane hagiirri wo'ma ikkanno gedeeti.

YOHAANNISI 17:13 ပူးပေါင်းရင်းမြစ်များ

NEHIMIYA 8:10

Isino, «Xa mini mini'nera hadhine noo'neta dancha sagalenna ago buxanete ledo beeqqitine ittinanninna agginanni hagiidhe. Techo Maganinke Kaaliiqira baxxinoha qullaawa barra ikkino daafira dadillitinoonte. Kaaliiqi hagiirri wolqa'neeti» yiinsa.

FAARSO 126:5

Wi'litanni wixidhara hadhinori, gide gamba assidhanni hagiidhitanni mixxitanno.

FAARSO 43:4

Hatte yannara, kakkallanni dargi Maganunnihuwa, hagiirsiisannoe Maganiwa mareemmo; ate Magano Magano'ya! Gingilaatunni galaxxeemmohe.

YOHAANNISI 13:3

Yesuusi, Maganu Annu roorre baala uyinosita afino. Maganuwiinni dayinotanna galagale Maganunniwa ha'rannota egennino.

YOHAANNISI 15:11

«Konne coye kuloommo'nehu hagiirri'ya giddo'ne hee'ranno gedeetinna ki'ne hagiirrino wo'ma ikkanno gedeeti.

YOHAANNISI 16:33

Konne coye kuloommo'nehu, anenni heedhine keere afidhinara yeeti. Tenne gobbara heedhini geeshsha qarru noo'ne. Ikkirono waajjitinoonte; ani tenne gobba qeeloommona» yiinsa.

YOHAANNISI 17:11

Ani kunni ka'a tenne gobbara dihee'reemmo; insa kayinni, tenne gobbara no. Ani Atewa daammoraati. Qullaawa Anna'ya, kuri oottoeri, atenna ane gede mitto ikkitara oottoehu su'mikki wolqanni keerunni agarinsa.

YOHAANNISI 3:29

Idayicho noosihu adhannoho; albisu kayinni adhannohu mule uurre huurosi macciishshe hagiidhanno. Kunnira, ane hagiirrino xa wo'mino.

YOHAANNISI 7:33

Hatte yannara Yesuusi, «Ki'ne ledo shiima yannalla keeshsheemmo; hakkunni gedensaanni soyinoehuwa ha'reemmo.

SOQQAMAASINETE LOOSO 13:52

Rosaanote hagiirrunna Qullaawu Ayyaani wo'minsa.

ROOMU SOKKA 14:17

Maganu Gashshooti, Qullaawu Ayyaani aanno keeraanchimmaati, keereetinna hagiirreeti ikkinnina, itunna agu haja di"ikkino.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

IBIRAAWOOTA 12:2

Amma'nanke umonna gawalo ikkinohu Yesuusi aaninni ille'ne hooltinoonte. Isi albasiinni noo hagiirri daafira yee, shollinye waajjikkinni masiqalu aana ree, ayirradu Maganu barcimira qiniiteenni ofollino.

UMI YOHAANNISI 1:4

Hagiirri'ne guuta ikkanno gede konne coye borreessinoommo'ne.

LAYINKI YOHAANNISI 1:12

Borreessammo'nera hasi'reemmohu lowo coyi nooe; ikkollana baalankare borreesse soyammo'nera dihasi'reemmo; roorenka hagiirrinke guuta ikkanno gede ki'newa dayenna xaande hasaambammora hexxo assi'roommo.